72 E te Atua e, a horoa i ta oe mau haavaraa i te arii ra,

E a tuu atu i ta oe parau-tia i te tamaiti a te arii ra.+

 8 E faatere oia mai te tahi miti i te tahi atu

E mai te Anavai* e tae atu i te hopea o te fenua.+

 9 E haere mai te mau nunaa atoa ta oe i poiete

E tipapa i mua ia oe, e Iehova,+

E e faahanahana ratou i to iˈoa.+

4 I te pae hopea o te mau mahana,*

E haamau-papu-hia te mouˈa o te fare o Iehova+

I nia i te mau tupuai mouˈa,

E faateiteihia te reira i nia ˈˈe i te mau aivi,

E i reira te mau nunaa atoa e haere ai.+

“Haere mai, e pauma anaˈe i nia i te mouˈa o Iehova,

I te fare o te Atua o Iakoba.+

E haapii oia ia tatou i to ˈna mau eˈa,

E e haere tatou na to ˈna mau eˈa.”

E matara mai hoi te ture* na Ziona mai,

E te parau a Iehova na Ierusalema mai.

 3 E haava oia i rotopu i te nunaa e rave rahi+

E e horoa oia i te aratairaa i* te mau nunaa puai i te atea ê.

E tupai ratou i ta ratou mau ˈoˈe ei auri arote

E ta ratou mau omore ei tipi tope raau.+

E ore te hoê nunaa e amo i ta ratou ˈoˈe i nia i te tahi nunaa,

E ore atoa ratou e haapii faahou i te tamaˈi.+