Te mau tavana

14 Pou ihora Samasona i Timina, e i reira, ite ihora oia i te tahi vahine Philiseti.* 2 No reira, pauma aˈera oia e na ô atura i to ˈna metua tane e metua vahine: “I Timina ua ite to ˈu mata i te tahi vahine Philiseti, e te hinaaro ra vau ia tii orua ia ˈna ei vahine faaipoipo na ˈu.” 3 Parau maira râ to ˈna metua tane e metua vahine ia ˈna: “Eita anei ta oe e nehenehe e imi i te tahi vahine i rotopu i to oe mau fetii e i rotopu i to tatou nunaa taatoa?+ E tii anei oe i te tahi vahine faaipoipo i rotopu i te mau Philiseti peritome-ore-hia?” Na ô atura râ Samasona i to ˈna metua tane: “A tii ia ˈna na ˈu, no te mea e tano maitai o ˈna na ˈu.”* 4 Aita i taa i to ˈna metua tane e metua vahine e no ǒ mai te reira ia Iehova, te imi ra hoi Oia i te taime tano e aro ai i te mau Philiseti, te faatere ra hoi te mau Philiseti ia Iseraela i taua mau mahana ra.+

5 Pou ihora ïa Samasona e to ˈna metua tane e metua vahine i Timina. I to ˈna taeraa i te mau faaapu vine i Timina, inaha haere maira te hoê liona* a uuru ai. 6 Haapuai maira te varua o Iehova ia ˈna,+ e hahae ihora oia i te liona mai te tahi taata e hahae i te hoê puaaniho apî i to ˈna rima noa. Aita râ oia i faaite i ta ˈna i rave i to ˈna metua tane e metua vahine. 7 Pou ihora oia i Timina e paraparau atura i tera vahine. O ˈna noa â te tano maitai i te mata o Samasona.+

8 I muri iho, a hoˈi mai ai oia no te afai ia ˈna i ǒ ˈna,+ tipuu ihora oia no te hiˈo i te tino pohe o te liona, e aere manu meri e meri atoa to roto i te tino pohe o te liona. 9 Paraˈu maira ïa oia i te meri i roto i to ˈna rima e amu ihora a haere noa ˈi oia. I to ˈna taeraa ˈtu i to ˈna metua tane e metua vahine, horoa ˈtura oia i te tahi na raua ia amu raua. Aita râ oia i faaite ia raua e ua paraˈu mai oia i te meri mai roto mai i te tino pohe o te hoê liona.

10 Pou ihora to ˈna metua tane i ǒ tera vahine ra, e faatupu ihora Samasona i te tahi tamaaraa i reira, tera hoi ta te mau tane apî i matau i te rave. 11 I to ratou iteraa mai ia ˈna, hopoi maira ratou e 30 tane apee no te na muri ia ˈna. 12 Na ô atura Samasona ia ratou: “A vaiiho na ia ˈu ia tuu atu i te tahi piri. Ia noaa ia outou i te tatara i te reira e ia faaite mai outou i te pahonoraa i te roaraa o na hitu mahana tamaaraa, e horoa ˈtu ïa vau no outou e 30 ahu lino e 30 ahu ê atu. 13 Ia ore râ e haere ia outou ia horoa mai i te pahonoraa, na outou ïa e horoa mai no ˈu e 30 ahu lino e 30 ahu ê atu.” Parau maira ratou: “A tuu mai i ta oe piri, te hinaaro ra matou e faaroo i te reira.” 14 Na ô atura ïa oia ia ratou:

Aita i haere ia ratou ia tatara i te piri e toru mahana. 15 I te maha o te mahana, parau maira ratou i te vahine faaipoipo a Samasona: “A haavarevare i ta oe tane faaipoipo+ ia faaite mai oia i te pahonoraa o te piri. Ia ore, e tanina matou ia oe e te fare o to metua tane. Ua titau manihini mai anei outou ia matou i ǒ nei no te rave i ta matou mau faufaa?” 16 Taˈi ihora ïa ta Samasona vahine faaipoipo i mua ia ˈna e na ô maira: “Papu, mea hae na oe ia ˈu, aita oe e here ra ia ˈu.+ Ua tuu oe i te tahi piri i to ˈu nunaa, aita râ oe i faaite mai ia ˈu i te pahonoraa.” Na ô atura oia ia ˈna: “Inaha, aita vau i faaite i te reira i to ˈu iho metua tane e metua vahine! Ia oe ïa vau e faaite ai i te reira?” 17 Taˈi noa ihora râ oia i mua ia ˈna tae roa ˈtu i te hitu o te mahana tamaaraa. Faaite atura Samasona i te pahonoraa ia ˈna i te hitu o te mahana, no te mea i onoono noa na oia ia ˈna. Faaite ihora te vahine i te mau taata o to ˈna nunaa i te pahonoraa o te piri.+ 18 No reira, i te hitu o te mahana hou te mahana a topa ˈi,* parau maira te mau tane o te oire ia ˈna:

Pahono atura oia ia ratou:

19 Haapuai maira te varua o Iehova ia ˈna,+ pou ihora oia i Asekelona+ e tairi ihora 30 o to reira mau tane. Rave ihora oia i to ratou ahu e horoa ˈtura i te reira no te feia tei tatara i te piri.+ Ua riri roa oia i to ˈna hoˈiraa i ǒ to ˈna metua tane.

20 Horoahia ˈtura ta Samasona vahine faaipoipo+ na te hoê o to ˈna mau taata apee tei na muri ia ˈna.+