Salamo

Mea maitai ia himene i te arueraa* i to tatou Atua.

Mea au e mea tano ia arue ia ˈna!+

 2 Te patu ra Iehova ia Ierusalema.+

Te haaputuputu ra oia i to Iseraela tei haapurarahia.+

 3 Te rapaau ra oia i te feia aau oto.

Te taamu ra oia i to ratou mau pepe.

 4 Te taio ra oia i te mau fetia.

Te pii ra oia ia ratou paatoa ma to ratou iˈoa.+

 5 E Fatu rahi e te mana rahi to tatou.+

E maramarama hau ê to ˈna.+

 6 Te faateitei ra Iehova i te feia mǎrû.+

Area te feia ino, te taora ra oia ia ratou i raro.

 7 A himene ia Iehova ma te haamauruururaa.

A himene i te arueraa i to tatou Atua, apeehia e te kinura,

 8 Tei tapoˈi i te mau raˈi i te ata,

Tei faatopa i te ûa i nia i te fenua,+

Tei faatupu i te aihere+ i nia i te mau mouˈa.

 9 Te horoa ra oia i te maa na te mau animara,+

Na te mau fanauˈa oreba o te pii ra no te tamaa.+

10 Aita oia e faahiahia ra i te puai o te puaahorofenua.+

Aita atoa oia e faahiahia ra i te avae puai o te taata nei.+

11 Mea here na Iehova i te feia e mǎtaˈu ra ia ˈna,+

Te feia e tiaturi ra i to ˈna here taiva ore.+

13 Te haapaari ra oia i te mau teˈa o te mau uputa o to oire.

Te haamaitai ra oia i ta oe mau tamaiti.

14 Te faatupu ra oia i te hau i to tuhaa fenua ra.+

Te haamâha ra oia ia oe i te sitona maitai roa ˈˈe.*+

15 Te tuu ra oia i ta ˈna faaueraa i te fenua nei.

Te horo vitiviti ra ta ˈna parau.

16 Te faatopa ra oia i te hiona mai te huruhuru mamoe ra te huru.+

Te haapurara ê ra oia i te rupehu paari mai te rehu auahi.+

19 Te faaite ra oia i ta ˈna parau ia Iakoba,

Ta ˈna mau faatureraa e haavaraa ia Iseraela.+

20 Aita oia i rave i te reira no te tahi atu mau nunaa.+

Aita ratou i ite i te tahi mea no nia i ta ˈna mau haavaraa.