Ioba

 2 “Ehia â maororaa e faariri noa ˈi outou ia ˈu,*+

Ma te taataahi ia ˈu i te parau?+

 3 A ahuru atura taime to outou tamaˈiraa* ia ˈu.

Aita outou e haama ra i te hamani ino ia ˈu.+

 4 E mai te peu iho â ua hape au,

Ohipa vau ïa te reira.

 5 Ia onoono râ outou i te faateitei ia outou i nia aˈe ia ˈu,

A parau ai e ua tano to ˈu faahaparaahia,

 6 Ia ite mai outou e na te Atua i faahahi ê ia ˈu,

E ua noaahia vau e ana i roto i ta ˈna upeˈa haru animara.

 7 Inaha, te tuô noa ra vau: ‘Ua hamani-ino-hia vau!,’ aita râ vau i pahonohia mai.+

Te tuô noa ra vau ia tauturuhia mai, aita râ e parau-tia.+

 8 Ua tuu oia i te tahi patu ofai i nia i to ˈu eˈa, e eita ta ˈu e nehenehe e haere.

Ua tapoˈi oia i to ˈu mau eˈa i te poiri.+

 9 Ua faaere oia ia ˈu i to ˈu tura

E ua tatara oia i te hei mai nia mai i to ˈu upoo.

10 E vavahi oia ia ˈu na te mau pae atoa e ia mou roa vau.

E iriti tumu oia i to ˈu tiaturiraa mai te tahi tumu raau.

11 E ura to ˈna riri i nia ia ˈu,

E e hiˈo oia ia ˈu mai to ˈna enemi.+

12 E haere amui mai ta ˈna mau pǔpǔ faehau e haaati ia ˈu,

E e puhapa ratou ati aˈe i to ˈu fare ie.

13 Ua faaatea ê oia i to ˈu mau taeae ia ˈu,

E ua fariu ê atu te feia tei matau ia ˈu.+

14 Ua reva to ˈu mau hoa piri,*

E aita te feia ta ˈu i matau maitai e haamanaˈo faahou ra ia ˈu.+

15 E hiˈo te mau manihini i ǒ ˈu+ e ta ˈu mau tavini vahine ia ˈu mai te hoê taata no te tahi atu fetii.

E taata ê au no ratou.

16 E pii au i ta ˈu tavini, eita râ oia e pahono.

E taparu vau ia ˈna i to ˈu vaha ia faaite mai i te aumihi.

17 E haafaufau ta ˈu vahine faaipoipo i te hauˈa o to ˈu iho vaha,+

E mea neoneo vau no to ˈu iho mau taeae.*

18 Te mau tamarii rii atoa te vahavaha ia ˈu.

Ia tia vau i nia, e faaooo ratou ia ˈu.

19 Mea hae na to ˈu mau hoa piri atoa ia ˈu,+

E ua aro mai te feia atoa ta ˈu i here ia ˈu.+

20 Ua piri to ˈu mau ivi i to ˈu iri e to ˈu iˈo,+

E e ora mai au ma te iri o to ˈu mau niho.

21 A aroha hamani maitai mai ia ˈu, to ˈu mau hoa, a aroha hamani maitai mai ia ˈu,

Na te rima hoi o te Atua i tairi ia ˈu.+

22 Eaha outou e tamau noa ˈi i te hamani ino ia ˈu mai ta te Atua e rave ra,+

A aro mai ai ia ˈu ma te tuutuu ore?*+

23 Ahiri iho â ta ˈu mau parau i papaihia.

Ahiri iho â te reira i nehenehe e papaihia i roto i te tahi buka!

24 Ia nanaˈohia te reira i nia i te mato e a muri noa ˈtu,

I te tahi penitara auri e te tapau!

25 Ua ite maitai hoi au e mea ora tei hoo mai ia ˈu.+

E haere mai oia i muri iho e e tia mai oia i nia aˈe i te fenua.*

26 Ua haamou-anaˈe-hia to ˈu iri,

A ora noa ˈi râ vau, e ite au i te Atua.

27 Na ˈu iho e ite atu,

Ta to ˈu iho mata e ite, eiaha to te tahi atu.+

29 A mǎtaˈu outou iho i te ˈoˈe,+

E hopoi mai hoi te ˈoˈe i te utua no te mau hape.

Ia ite mai outou e te vai ra te hoê haava.”+