Salamo
A arue ia Iehova mai te raˈi mai.+
A arue ia ˈna i te mau vahi teitei roa ˈˈe.
2 A arue ia ˈna, outou te taatoaraa o ta ˈna mau melahi.+
A arue ia ˈna, outou te taatoaraa o ta ˈna nuu.+
3 A arue ia ˈna, e te mahana e te avaˈe e.
A arue ia ˈna, outou te taatoaraa o te fetia anaana.+
6 Ua haamau papu oia i te reira e a muri noa ˈtu.+
Ua tuu mai oia i te hoê faaueraa mana o te ore roa e mou.+
7 A arue ia Iehova mai te fenua mai,
Outou, te mau animara rarahi o te miti, e te mau pape hohonu,
8 Te uira e te ûa paari, te hiona e te mau ata meumeu,
Oe te mataˈi vero, o te haapao ra i ta ˈna parau,+
9 Outou te mau mouˈa, e te mau aivi,+
Te mau tumu maa hotu e te mau tumu arezi,+
10 Outou te mau animara oviri+ e te mau animara rata,
Outou o te nee haere ra e te mau manu pererau,
11 Outou te mau arii o te fenua nei e te mau nunaa atoa,
Outou te huiarii e te mau haava o te fenua nei,+
12 Outou te mau tane apî e te mau tamahine apî,*
Te ruhiruhia e te feia apî.
Tei nia ˈˈe to ˈna hanahana i te fenua nei e te raˈi.+
14 E faarahi oia i te puai* o to ˈna nunaa,
No te arueraa a to ˈna feia taiva ore,
A te mau tamaiti a Iseraela, te nunaa i pihai iho ia ˈna.
Ia aruehia Ia!*