Ua faahoˈi oia i te mau tapea rima faaipoiporaa i nia i to raua rima

“A HIˈO na i to ˈu rima. Te ite ra anei oe i te tahi mea taa ê?” Te toro ra te hoê tane i to ˈna rima i te hoê vahine, e Ite no Iehova oia, o tei hiˈo i te reira e o tei tapao oioi e aita faahou to ˈna tapea rima faaipoiporaa. Te faataa ra oia e aita raua ta ˈna vahine e afaro faahou ra, no reira ua opua aˈera raua e faataa. “Eiaha!” ta te Ite ïa i parau. “A rave i teie buka e a taio. E tauturu te reira i to orua faaipoiporaa.” I te pae hopea, ua horoa oia na ˈna i te hoê buka niuhia i nia i te Bibilia Te ite e aratai i te ora mure ore.a

Tau mahana i muri aˈe, ua hoˈi atu te taata i te Ite ra ma te huru oaoa. Ua faaite oia ia ˈna i to ˈna rima. I taua taime ra, ua tuu oia i to ˈna tapea rima faaipoiporaa. Ua parau oia ia ˈna e ua taio raua ta ˈna vahine i te buka ra Te ite e i teie nei ua oaoa roa raua. Ua faahoˈi mai te buka ei auraa parau i te mau tapea rima faaipoiporaa i nia i to raua rima.

E nehenehe te mau aˈoraa Bibilia e tauturu i te hoê tane e te hoê vahine ia faaite i te here mau te tahi i te tahi. No te mea te tumu o te Bibilia aita ˈtu ïa o to tatou Poiete o tei parau e: “O vau to Atua ra, o Iehova; o tei faaite ia oe i te mea e maitai ai oe ra; o tei aratai ia oe na te eˈatia maitai ia haere oe ra.”—Isaia 48:17.

[Nota i raro i te api]