• Mea nafea te ora i te haamataraa?
    Ia ora oe e a muri noa ˈtu! (Aparauraa Bibilia)

    • 3. No te aha te taata i taa ê ai i te animara?

      I muri i to ˈna poieteraa i te fenua, hamani ihora Iehova i te mau mea ora atoa i nia iho. Na mua roa, ua hamani oia i te raau tupu e te animara. I reira, “poiete atura te Atua i te taata i to ˈna huru.” (A taio i te Genese 1:27.) No te aha te taata i taa ê ai? No te mea ua poietehia ratou i to te Atua huru, e nehenehe ïa ratou e faaite i to ˈna mau huru maitatai, mai te here e te parau-tia. Ua poiete atoa oia ia tatou ia nehenehe tatou e haapii i te reo, ia faahiahia i mua i te mau mea nehenehe aore ra ia faaroo tatou i te mau pehe navenave. E taa ê atu i te animara, e nehenehe tatou e haamori i to tatou Atua poiete.

  • Mea nafea te ora i te haamataraa?
    Ia ora oe e a muri noa ˈtu! (Aparauraa Bibilia)

    • 5. E nehenehe e tiaturi i te aamu o te Bibilia no nia i te poieteraa

      I roto i te Genese pene 1, te faataa ra te Bibilia nohea mai te fenua e te mau mea ora i nia iho. E nehenehe anei oe e tiaturi i teie parau, aore ra e aai noa teie? A pata i te VIDEO, e a aparau i te mau uiraa i muri nei.

      VIDEO: Mea poietehia anei te ao nui? (Tuhaa video) (3:51)

      Hohoˈa: E hohoˈa no roto i te video ‘Mea poietehia anei te ao nui?’ (Tuhaa video). 1. Na ono mahana poieteraa mai tei itehia na te fenua ˈtu. 2. Te fenua i muri aˈe i te ono o te mahana poieteraa e te mahana, te fenua mǎrô, te pape, te raau tupu, te manu, te animara e te taata.

      • Te haapii ra anei te Bibilia e ua poietehia te fenua e te mau mea ora i nia iho i roto e ono mahana e 24 hora?

      • I to oe manaˈo, e nehenehe anei e tiaturi i te aamu o te Bibilia no nia i te poieteraa? No te aha oia, aore ra no te aha aita?

      A taio i te Genese 1:1, e a aparau i teie uiraa:

      • Te parau ra te mau aivanaa e haamataraa to te ao nui. E nafea te reira e tuati ai e ta oe i taio iho nei i roto i te Bibilia?

      Te uiui ra vetahi e aita anei te Atua i poiete i te hoê noa mea ora tei taui te huru, a riro atu ai ei mea ora e rave rau. A taio i te Genese 1:21, 25, 27, e a aparau i teie mau uiraa:

      • Te haapii ra anei te Bibilia e ua poiete te Atua hoê noa mea ora tei riro ei iˈa, ei animara e ei taata? Aore ra ua poiete oia i te mau mea ora atoa ia au i to ratou “huru”?