“[A] haamanaˈo papu maite” i te Parau a te Atua

3, 4. a) E tia i te mau ati Iseraela ia ‘haamanaˈo papu maite’ i te aha, e aha hoi te auraa? b) I roto i te roaraa o te tau, mea nafea to te mau ati Iuda faaohiparaa i taua aˈoraa a Mose ra?

³ Ua faaitoito aˈera te mau ati Iseraela e ia ‘haamanaˈo papu maite’, eiaha noa i ta ˈna himene faahiahia mau ra, i te mau papai moˈa atoa râ. E tia ia ratou ‘ia haapao maitai’ (Votre Bible), “ia feruri maitai” (Pirot-Clamer, note) i nia i te Ture a te Atua, ia ‘haafaufaa maite i te reira’. (Français courant.) Ia ite papu maitai ratou i te reira, e nehenehe ai ratou e ‘haapii atu i ta ratou mau tamarii, ia haapao e ia rave i te mau parau atoa i teie nei ture’. No reira, o Mose i papai ˈi i roto i te Deuteronomi 6:6-8 e: “E teie nei mau parau ta ˈu e parau atu ia oe i teie nei mahana, ei roto i to aau e vai ai: e e haapii tamau maite oe i to mau tamarii i taua mau parau nei (...). E taamu hoi oe i te reira i nia i to rima ei tapao; e ei haamanaˈoraa i mua mau i to mata na.”

5. Eaha te faaohiparaa tano a te mau parau a Mose i papaihia i roto i te Deuteronomi 6:6-8?

⁵ Eita hoi i nia i to ratou rima e i to ratou rae iho ratou e tuu ai i te Ture a te Atua, ‘i nia râ i to ratou mafatu’. Ia farii hohonu roa ratou i te Ture maoti i te rave noa mai i te ite, eita roa ˈtu ïa te reira e moehia ia ratou. Mai te huru ra ïa e ua papaihia te reira i nia i te hoê pǎpǎ i mua i to ratou mata aore ra ua taamuhia i nia i to ratou rima.