2. No te vai mâ, eaha te mau peu e tia ia haapae tatou?

Te faaue mai ra te Bibilia ia “tamâ anaˈe ia tatou iho i te mau viivii atoa o te tino e o te feruriraa.” (Korinetia 2, 7:1) Te auraa, ia haapae tatou i te mau mea atoa o te tuino i to tatou tino aore ra to tatou feruriraa. Mea tia ia mauruuru Iehova i to tatou mau manaˈo, e rave ïa tatou i te mau mea atoa no te haapae i te mau manaˈo ino. (Salamo 104:34) E tutava atoa tatou i te paraparau ma te au maitai.—A taio i te Kolosa 3:8.

Eaha te nehenehe e haaviivii i to tatou nei tino aore ra to tatou huru feruriraa, paraparauraa e ohipa? E rave rahi ohipa e nehenehe e haaviivii i to tatou nei tino. E haapae tatou i te mau mea mai te avaava e te faaohiparaa i te mau raau taero. Ma te na reiraraa, e haamaitai tatou i to tatou ea e e faaite tatou i te faatura no te ô o te ora. E tutava atoa tatou i te vai mâ i te pae feruriraa, paraparauraa e ohipa ma te patoi i te peu tia ore mai te mirimiriraa i te mero atiraa e te hiˈoraa i te hohoˈa faufau. (Salamo 119:37; Ephesia 5:5) E ere i te mea ohie ia haapae i teie mau peu, e nehenehe râ Iehova e tauturu ia tatou ia rave i te mau tauiraa.—A taio i te Isaia 41:13.

5. A aro i te mau manaˈo e peu viivii

A taio i te Kolosa 3:5, e a aparau i teie mau uiraa:

• Nafea tatou e ite ai e mea viivii no Iehova te hohoˈa faufau, te haponoraa i te hohoˈa faufau e te mirimiriraa i te mero atiraa?

• No oe, mea tano anei ia titau mai Iehova ia vai mâ tatou i te pae feruriraa, paraparauraa e ohipa? No te aha?

A hiˈo nafea ia aro i te mau manaˈo viivii. A pata i te VIDEO.

VIDEO: A haa oioi no te vai mâ noa (1:51)

Ua faaohipa Iesu i te hoê faahohoˈaraa no te faaite mea titauhia ia tatou ia faaoti papu i te vai mâ i te pae feruriraa, paraparauraa e ohipa. A taio i te Mataio 5:29, 30, e a aparau i teie uiraa:

• Aita Iesu i parau ia haamauiui ia tatou iho i te pae tino, ua parau râ oia ia haa oioi no te rave i teie mau tauiraa. Eaha te huru haaraa ta te hoê taata e nehenehe e rave no te haapae i te mau manaˈo viivii?b

Mai te peu te aro ra oe i te mau manaˈo viivii, mea faufaa na Iehova ta oe mau tutavaraa. A taio i te Salamo 103:13, 14, e a aparau i teie uiraa:

• Mai te peu te aro ra oe i te hoê peu viivii, nafea teie mau irava e faaitoito ai ia oe ia tamau i te aro?

Eiaha e tuu!

Mea ohie ia manaˈo, ‘E taora vau i te tauera, aita vau i manuïa.’ A feruri na, e ere no te mea noa ua topa te hoê taata horohoro ua pau ïa ia ˈna te hororaa aore ra e haamata apî faahou oia i te hororaa. Hoê â huru no oe, ia topa oe, e ere ïa te auraa ua pau ia oe i te aro i te peu tia ore. Aita atoa te reira i faaore i ta oe mau tutavaraa atoa ta oe i rave mai na. E topa iho â oe, tera râ, e tia faahou mai oe. Eiaha e tuu! Maoti te tauturu a Iehova e nehenehe oe e aro i te peu tia ore.