• E nehenehe to outou taeae e roaa ia outou
    Te Pare Tiairaa 1999 | 15 no Atopa

    • 5, 6. Ia au i te mau irava tapiri, eaha te mau hara ta te Mataio 18:15 e faataa ra, e na te aha e faaite ra i te reira?

      5 I te tanoraa mau, ua horoa Iesu i te aˈoraa no nia i te mau fifi rahi aˈe. Teie ta Iesu i parau: “Ia hara to taeae.” I roto i te hoê auraa rahi, e nehenehe e parau e te hoê “hara,” o te hoê ïa hapa aore ra hape. (Ioba 2:10; Maseli 21:4; Iakobo 4:17) Ia au râ i te mau irava tapiri, e hara rahi ta Iesu i hinaaro e parau. E hara rahi mau, no te mea e nehenehe te taata rave hara e hiˈohia “mai te etene e te telona.” Eaha te auraa o taua mau parau ra?

      6 Ua ite te mau pǐpǐ a Iesu e faaroo ra i taua mau parau ra e aita to ratou mau hoa ati Iuda e afaro ra e te mau Etene. (Ioane 4:9; 18:28; Ohipa 10:28) E ua ape roa ratou i te mau telona, e mau ati Iuda hoi e taviri ra i te taata. No reira i te tanoraa mau, te parau ra te Mataio 18:15-17 no te mau hara rahi, eiaha râ te inoino aore ra te mauiui ta outou e nehenehe noa e faaore e e haamoe.—Mataio 18:21, 22.a

  • E nehenehe to outou taeae e roaa ia outou
    Te Pare Tiairaa 1999 | 15 no Atopa

    • a Te na ô ra te Cyclopedia a McClintock raua Strong e: “I hiˈohia na te mau publicain [aore ra telona] o te F[aufaa] Apî ei feia haavare, ei feia taiva, i viiviihia no to ratou amuimui-pinepine-raa e te mau etene, ei mauhaa na te taata faatere haavî. Ua tabulahia ratou i rotopu i te feia hara . . . I te mea e ua tuuhia ratou i te hiti, ua apehia ratou e te mau taata oraraa maitai, ua faahoa ˈtu ratou i te feia anaˈe i tiavaruhia, mai ia ratou.”