Nafea te parau apî oaoa e porohia ˈi?

Fatata Iehova e faaohipa i ta ˈna Faatereraa arii no te faaore i to tatou mau fifi atoa. No te faufaa o tera parau apî, e titauhia ia ite te taata atoa i te reira. Ua hinaaro Iesu ia faaite ta ˈna mau pǐpǐ i teie poroi i te mau taata atoa! (Mataio 28:19, 20) Nafea te mau Ite no Iehova e pee ai i teie faaueraa a Iesu?

1. Mea nafea te Mataio 24:14 i te tupuraa i teie mahana?

Ua tohu Iesu: “E porohia te parau apî oaoa o te Faatereraa arii e ati aˈe te fenua.” (Mataio 24:14) E oaoa rahi to te mau Ite no Iehova i te apitiraa i teie ohipa faufaa roa. E te poro nei matou i te parau apî oaoa na te ao nei, na roto hau atu 1 000 reo! E titauhia no taua ohipa rahi mau, te taime e te puai e te faanaho maitai i te reira. E maoti te tauturu a Iehova e manuïa ˈi teie ohipa.

2. Eaha te mau tutavaraa ta matou e rave ra no te poro i te mau taata?

E poro matou i te mau taata i te mau vahi atoa. Mai te mau Kerisetiano matamua, e poro matou “i tera e tera fare.” (Ohipa 5:42) Maoti teie ravea e nehenehe ai matou e poro i e mirioni taata i te mau matahiti atoa. Noa ˈtu aita e taata i ǒ ratou, e poro atoa matou i te mau vahi taata. E imi noa matou i te mau ravea no te poro ia vetahi ê no nia ia Iehova e ta ˈna mau opuaraa.

3. Na vai te hopoia no te poro i te parau apî oaoa?

Na te mau Kerisetiano mau atoa te hopoia no te poro i te parau apî oaoa ia vetahi ê. Mea faufaa roa no matou teie hopoia. E poro tamau matou ia au i to matou tupuraa, no te mea ua ite matou e faaora te reira i te taata. (A taio i te Timoteo 1, 4:16.) Aita matou e aufauhia no teie ohipa, te parau ra te Bibilia: “Mea horoa-noa-hia mai ta outou, a horoa noa atoa ïa.” (Mataio 10:7, 8) Eita te taata e farii i ta matou poroi. E tamau râ matou no te mea e tuhaa faufaa te pororaa i roto i ta matou haamoriraa e e faaoaoa te reira ia Iehova.

A FAAHOHONU ATU Â

4. E haa rahi matou no te poro i te mau taata atoa

VIDEO: A poro “e tae noa ˈtu i te hopea o te fenua” (7:33)

• Eaha ta oe i au roa no nia i te mau tutavaraa ta te mau Ite no Iehova i rave no te poro?

A taio i te Mataio 22:39 e te Roma 10:13-15, e a aparau i teie mau uiraa:

• Nafea ta tatou pororaa e faaite ai i to tatou here i to tatou mau taata tupu?

• Eaha to Iehova manaˈo no te feia e poro ra i te parau apî oaoa?—A hiˈo i te irava 15.

5. E hoa ohipa matou no te Atua

E rave rahi tupuraa e faaite ra e na Iehova e aratai ra i ta tatou ohipa. Ei hiˈoraa, i Niu Zelani i te hoê avatea, ua farerei te taeae Paul i te hoê vahine a poro ai oia i tera e tera fare. E i tera poipoi, ua pure tera vahine i te Atua ma te faaohipa i to te Atua iˈoa, Iehova, a ani atu ai ia haere mai te hoê taata e farerei ia ˈna. Na ô atura Paul: “Toru hora i muri iho, tei mua vau i to ˈna uputa fare.”

A taio i te Korinetia 1, 3:9, e a aparau i teie uiraa:

• Nafea te mau tupuraa mai teie i Niu Zelani, e faaite ra e na Iehova e aratai ra i te ohipa pororaa?

A taio i te Ohipa 1:8, e a aparau i teie uiraa:

• No te aha tatou e hinaaro ai te tauturu a Iehova no te rave i ta tatou ohipa pororaa?

Ua ite anei oe?

I te mau hebedoma atoa i ta matou putuputuraa, e fanaˈo matou i te hoê faaineineraa no te tauturu ia matou ia poro. Mai te peu ua apiti aˈena oe i te hoê o taua mau putuputuraa, eaha to oe manaˈo no nia i teie faaineineraa?

6. E auraro matou i te faaueraa a te Atua no te poro

I te senekele matamua, ua tamata te feia patoi e tapea i ta Iesu mau pǐpǐ ia poro. Ua paturu ra te mau Kerisetiano matamua i to ratou tiaraa no te poro ma te “haapapuraa i te parau apî oaoa i mua i te ture.” (Philipi 1:7) Mai tera atoa i teie mahana no te mau Ite no Iehova.a

VIDEO: Paturu i te parau apî oaoa i mua i te ture (2:28)

A taio i te Ohipa 5:27-42, e a aparau i teie uiraa:

• No te aha aita matou e faaea i te poro?—A hiˈo i te mau irava 29, 38 e 39.

HAAPOTORAA

Ua faaue Iesu i ta ˈna mau pǐpǐ ia poro i te parau apî oaoa i te mau nunaa atoa. Na Iehova e tauturu i to ˈna nunaa ia rave i teie ohipa.

Haamanaˈoraa

• Nafea te parau apî oaoa e porohia ˈi na te ao?

• Nafea ta tatou pororaa e faaite ai i to tatou here i to tatou mau taata tupu?

• I to oe manaˈo, e nehenehe anei te ohipa pororaa e faaoaoa ia matou? No te aha?

HIˈOPOA

A hiˈo e nafea te mau Ite no Iehova e poro ai i te mau taata i te mau oire rahi.

Pororaa taa ê faanahohia i te oire rahi i Pari (5:11)

Nafea te mau Ite no Iehova i tauturu i te feia i horo ê i to ratou fenua?

Haamâharaa i te poihâ pae varua o te feia ěê tei faarue i to ratou fenua (5:59)

A faaroo i te faatiaraa a te tahi taata o te faataa ra na te aha e faaoaoa ia ˈna i roto i ta ˈna pororaa taime taatoa.

Oaoa vau i te maitiraa i tera toroa (6:29)

A haapii no nia i te mau upootiaraa faahiahia mau i mua i te ture i nehenehe ai te ohipa pororaa e nuu i mua.

“E tia ˈtu te feia poro i mua i te tiripuna” (Te faatere nei te Basileia o te Atua! pene 13)

5. Ua taui te ao mai te matahiti 1914

A pata i te VIDEO.

VIDEO: Ua taui te ao mai te matahiti 1914 (1:10)

Ua tohu Iesu mai te aha te ao i muri aˈe i to ˈna riroraa mai ei Arii. A taio i te Luka 21:9-11, e a aparau i teie uiraa:

• Eaha te tahi o teie mau tupuraa ta oe i ite aore ra i faaroo?

Ua faataa te aposetolo Paulo i te huru o te mau taata i te mau mahana hopea o te faatereraa a te taata. A taio i te Timoteo 2, 3:1-5, e a aparau i teie uiraa:

• Eaha te tahi o teie mau haerea ta oe i tapao i nia i te taata i teie mahana?

6. E turai te faatereraa o te Faatereraa arii a te Atua ia tatou ia ohipa

A taio i te Mataio 24:3, 14, e a aparau i teie mau uiraa:

• Eaha te ohipa faufaa o te faaite ra e te faatere ra te Faatereraa arii a te Atua i teie nei?

• Nafea oe e nehenehe ai e apiti i roto i teie ohipa?

Te faatere ra te Faatereraa arii a te Atua i teie nei, e te fatata mai ra te mahana e faatere roa ˈi te Faatereraa arii a te Atua i te fenua nei. A taio i te Hebera 10:24, 25, e a aparau i teie uiraa:

• Eaha ta tatou tataitahi e rave “a ite ai tatou i taua mahana ra e fatata mai ra”?