Eaha te auraa o te Ioane 5:28, 29? Te na ô ra e: “E faaroo . . . te feia atoa i roto i te apoo ra i tana reo, e e haere mai i rapae; e te feia i mau na i te parau maitai ra, e tia mai ïa e rave i te ora; e te feia hoi i mau na i te parau ino ra, e tia mai ïa e rave i te [“haavaraa,” MN].” E tia ia papuhia teie faaiteraa a Iesu ia au i te faataaraa ta ˈna i horoa ˈtu tau taime i muri aˈe ia Ioane. (Hiˈo Apokalupo 20:12, 13, irava faahitihia i te api 386.) Te feia i rave i te mau ohipa maitatai e te feia atoa i rave i te mau ohipa iino, ‘e haavahia ratou taitahi ia au i ta ratou mau ohipa.’ Teihea râ mau ohipa? Mai te peu e e parau tatou e e faautuahia teie mau taata ia au i ta ratou mau ohipa i rave i mutaa ihora, aita ïa e tuearaa e te Roma 6:7, e na ô ra e: “O te taata hoi i pohe ra, ua matara ïa oia i te ino nei.” Hau atu â, eita e tano ia faatia mai i teie mau taata no te haamou noa ia ratou i muri iho. No reira, i roto i te Ioane 5:28, 29a, te faaite ra o Iesu i te tia-faahou-raa, area i te hopea o te irava 29 ra, te faaite ra oia eaha to ˈna faahopearaa, ia naeahia i te feia i faatiahia mai te huru taata tia roa e ia oti ratou i te haavahia.

O vai te faatiahia mai i nia i te fenua?

Ioa. 5:28, 29: “Eiaha e maere i te reira; te fatata mai nei hoi te hora e faaroo ai te feia atoa i roto i te apoo [“haamanaˈoraa,” MN] ra i tana reo [to Iesu], e e haere mai i rapae.” (E ere te parau Heleni hurihia e te parau ra “apoo haamanaˈoraa” i te huru otini o taʹphos [apoo, menema o te taata taitahi] e ere atoa to haiʹdes [apoo amui o te feia pohe]; o te huru ateributi otini râ o mne·meiʹon [haamanaˈoraa, apoo haamanaˈoraa]. Te haapapu ra teie parau e te haamanaˈohia ra te taata i pohe. E ore te feia ua mou to ratou parau i roto i te Gehena no ta ratou mau hara o te ore roa e faaorehia e faatiahia mai no te fanaˈo i te ora mure ore, taa ê atu i te feia ta te Atua e haamanaˈo ra.—Mat. 10:28; Mar. 3:29; Heb. 10:26; Mal. 3:16.)