9. No te aha Paulo e faaau ai i te mau Kerisetiano faatavaihia i te varua i te mau melo o te hoê tino?

⁹ A taio i te Roma 12:4, 5, 9, 10. Te faaau ra Paulo i te mau Kerisetiano faatavaihia i te mau melo o te hoê tino e ohipa amui ra i raro aˈe i to ratou Upoo, te Mesia. (Kol. 1:18) Te haamanaˈo ra oia i te mau Kerisetiano faatavaihia i te varua e e rave rahi melo to te hoê tino e ohipa taa ê ra e noa ˈtu e mea ‘rahi ratou, hoê â râ tino ratou i te Mesia.’ Ua faaitoito atoa Paulo i te mau Kerisetiano faatavaihia i Ephesia: “Ma te aroha, ia tupu [tatou] i te auraa ˈtu ia ˈna i te upoo ra i te Mesia, i te mau mea atoa nei: no ˈna hoi te au-maite-raa o te tino atoa ra, e i ati ai hoi no te maitai o te mau tiaatiraa atoa, e te puai au o te mau vahi atoa ra, tupu aˈera te tino i te rahiraa o t[o] ˈna iho maitai ma te aroha.”—Eph. 4:15, 16.

11. Ua niuhia to tatou auhoêraa i nia i te aha, e teihea ˈtu â aˈoraa ta Paulo i horoa?

¹¹ Ua niuhia teie auhoêraa i nia i te here, te “tatua nehenehe roa.” (Kol. 3:14) I roto i te Roma pene 12, te haafaufaa ra Paulo i te reira i te parauraa e ei here “haavare ore” to tatou e ei “aroha mau to [ta]tou ia [ta]tou iho, i te aroha taeae.” Mea na reira ïa tatou e faatura ˈi te tahi i te tahi ia au i ta te aposetolo Paulo e parau ra. Eiaha iho â tatou e anoi i te here e te aroha hanoa. Ia tutava mau râ tatou ia vai mâ noa te amuiraa. I roto i ta ˈna aˈoraa no nia i te here, te na ô atoa ra Paulo: “Ia riaria i te ino; ia ati atu i te maitai.”