-
Eaha te Faatereraa arii a te Atua?Ia ora oe e a muri noa ˈtu! (Aparauraa Bibilia)
-
-
7. Mea hau ê te mau ture a te Faatereraa arii a te Atua
Ua haamau te mau faatereraa i te mau ture no te maitai e no te paruru i to ratou mau taata. E ture atoa ta te Faatereraa arii a te Atua o ta to ˈna mau taata e titauhia ia pee. A taio i te Korinetia 1, 6:9-11, e a aparau i teie mau uiraa:
No oe, eaha te huru o te ao ia pee anaˈe te taata atoa i ta te Atua mau ture?a
No oe, mea tano anei ia titau Iehova i te feia o ta ˈna Faatereraa arii ia faatura ratou i teie mau ture? No te aha?
Na te aha e faaite e e nehenehe te feia aita ratou e auraro ra i teie mau ture e taui?—A hiˈo i te irava 11.
Ua haamau te mau faatereraa i te mau ture no te paruru e no te maitai o to ratou mau taata. Mea hau ê râ te mau ture a te Faatereraa arii a te Atua no te paruru e no te maitai o to ˈna mau taata
-
-
Eaha ta te Bibilia e parau ra no nia i te taatiraa i te pae tino?Ia ora oe e a muri noa ˈtu! (Aparauraa Bibilia)
-
-
Ua ite Iehova eaha te mea maitai no tatou. Te faaite mai ra oia ia tatou e nafea ia vai mâ i te pae feruriraa, paraparauraa e ohipa e e nafea e faufaahia ˈi ia na reira. A taio i te Maseli 7:7-27, aore ra a pata i te VIDEO, e a aparau i te mau uiraa i muri nei.
Mea nafea te hoê taurearea i te hemaraa i tera tupuraa?—A hiˈo i te Maseli 7:8, 9.
Ia au i te Maseli 7:23, 26, e faahopearaa ino mau ta te peu taotoraa tia ore e hopoi mai. Ia vai mâ noa oe i te pae feruriraa, paraparauraa e ohipa, eaha te mau fifi ta oe e nehenehe e ape?
E nafea te vai-mâ-raa i te pae feruriraa, paraparauraa e ohipa e tauturu ai ia tatou ia oaoa e a muri noa ˈtu?
Te manaˈo ra te tahi mau taata mea etaeta roa ta te Bibilia e parau ra no nia i te taotoraa te tane e te tane, te vahine e te vahine. Area Iehova te Atua here, te hinaaro ra oia ia oaoa tatou e a muri noa ˈtu. Ia manuïa mai tatou, mea titauhia ia ora tatou ia au i ta ˈna mau ture aveia. A taio i te Korinetia 1, 6:9-11, e a aparau i teie uiraa:
No te Atua, o te taotoraa te tane e te tane, te vahine e te vahine noa te mea tano ore?
Ia mauruuru mai te Atua ia tatou, mea titauhia ia tatou paatoa ia rave i te mau tauiraa. Mea hoona anei? A taio i te Salamo 19:8, 11, e a aparau i teie mau uiraa:
No oe, mea tano anei te mau ture aveia teitei a Iehova? No te aha oia aore ra no te aha aita?
Ua tauturu Iehova e rave rahi taata ia auraro i ta ˈna mau ture aveia teitei. E nehenehe atoa oia e tauturu ia oe
-
-
Eaha te manaˈo tano o te mau Kerisetiano no nia i te ava?Ia ora oe e a muri noa ˈtu! (Aparauraa Bibilia)
-
-
6. A haavî i te inu-hua-raa
A hiˈo eaha tei tauturu i te hoê taata ia faaea i te inu-hua-raa i te ava. A pata i te VIDEO, e a aparau i te mau uiraa i muri nei.
I roto i te video, nafea te ava i te ohiparaa i nia i te huru o Dmitry?
Ua faaea oioi anei oia i te inu?
E nafea oia i te faaore-roa-raa i te inu-hua-raa i te ava?
A taio i te Korinetia 1, 6:10, 11, e a aparau i teie mau uiraa:
No te aha e fifi mau te inu-hua-raa i te ava?
Eaha te faaite mai e nehenehe te hoê taata tei inu-hua i te ava e taui?
A taio i te Mataio 5:30, e a aparau i teie uiraa:
A faaohipa ˈi Iesu i te faahohoˈaraa o te rima tâpû-ê-hia, ua hinaaro oia e parau e titauhia paha ia tatou ia vaiiho i te tahi mea no te faaoaoa ia Iehova. Eaha ta oe e nehenehe e rave ia haafifi te inu-hua-raa i te ava ia oe?a
A taio i te Korinetia 1, 15:33, e a aparau i teie uiraa:
E nafea to oe mau hoa e nehenehe ai e ohipa i nia i ta oe inuraa ava?
-