-
O vai te Atua?Ia ora oe e a muri noa ˈtu! (Aparauraa Bibilia)
-
-
5. Te hinaaro ra Iehova ia riro oe ei hoa no ˈna
Ua parau te hoê vahine no Cambodge, o Soten te iˈoa, e i to ˈna iteraa o vai te iˈoa o te Atua, “tera te huru aau maitai roa ˈˈe i nia i te fenua.” A pata i te VIDEO, e a aparau i te uiraa i muri nei.
I roto i te video, eaha te huru o Soten i to ˈna iteraa o vai te iˈoa o te Atua?
Hou oe e riro ai ei hoa no te hoê taata, e ani na mua oe o vai to ˈna iˈoa. A taio i te Iakobo 4:8a, e a aparau i teie mau uiraa:
Eaha ta Iehova e titau ra ia oe ia rave?
No te aha e piri atu â ˈi oe i te Atua ia ite e ia faahiti oe i to ˈna iˈoa?
-
-
E nehenehe oe e riro ei hoa no IehovaIa ora oe e a muri noa ˈtu! (Aparauraa Bibilia)
-
-
E nehenehe oe e riro ei hoa no Iehova
Te hinaaro ra Iehova ia faafatata ˈtu â oe ia ˈna. Ia ite oe i to ˈna huru, to ˈna hinaaro no tatou te taata, e hinaaro atu â oe e riro ei hoa no ˈna. (A taio i te Salamo 25:14.) Te faaite mai ra te Bibilia e nehenehe tatou e riro ei hoa no Iehova. Tera te auhoaraa faufaa aˈe ta oe e nehenehe e fanaˈo.
1. Eaha te titau-manihini-raa a Iehova ia oe?
“A faafatata ˈtu i te Atua, e e faafatata mai oia ia outou.” (Iakobo 4:8) Eaha ïa te auraa? Te titau manihini ra Iehova ia oe ia riro ei hoa no ˈna. No vetahi, e ere hoi i te mea ohie ia riro ei hoa no te hoê taata aita tatou e ite atu ra, eaha ˈtu â ïa no te Atua. No reira Iehova e faaite ai i roto i ta ˈna Parau, te Bibilia no nia i to ˈna huru. Ia taio tatou i ta ˈna poroi i roto i te Bibilia, e atu â to tatou auhoaraa e o Iehova, noa ˈtu aita tatou i ite roa ˈtu ia ˈna.
2. No te aha e hoa papu o Iehova no oe?
Mea here roa na Iehova ia oe. E hinaaro Iehova ia oaoa noa oe, area ia oto oe ra, ia fariu atu ïa ia ˈna na roto i te pure. E nehenehe oe e ‘huri i to oe mau ahoaho atoa i nia ia ˈna, no te mea te haapeapea mai ra oia no outou.’ (Petero 1, 5:7) Ua ineine noa Iehova i te tauturu, i te tamahanahana e i te faaroo i to ˈna mau hoa.—A taio i te Salamo 94:18, 19.
3. E nafea ia riro ei hoa no Iehova?
Mea here na Iehova i te taata atoa, “e hoa rahi râ o ˈna no te taata afaro.” (Maseli 3:32) E hinaaro Iehova ia au to ˈna mau hoa i ta ˈna e au, e ia patoi i te mau mea ta ˈna e ore e au. Te peapea nei vetahi aˈunei ratou e au ai i te mau mea ta Iehova e ore e au. Tera râ, e Atua hamani maitai Iehova. Mea here na Iehova te taata e here mau ra ia ˈna e o te tutava ra i te faaoaoa i to ˈna aau.—Salamo 147:11; Ohipa 10:34, 35.
A FAAHOHONU ATU Â
A haapii e nafea ˈtu â oe e riro ai ei hoa no Iehova, e no te aha o ˈna to oe hoa papu roa ˈˈe.
4. Ua riro Aberahama ei hoa no Iehova
Maoti te aamu Bibilia o Aberahama (pii-atoa-hia Aberama) e taa ˈi ia tatou eaha te auraa e riro ei hoa no te Atua. A taio i te aamu o Aberahama i roto i te Genese 12:1-4. E a aparau i teie mau uiraa:
Eaha ta Iehova i ani ia Aberahama ia rave?
Eaha ta Iehova i fafau ia ˈna?
Eaha ta Aberahama i rave?
5. Eaha ta Iehova e titau ra i to ˈna mau hoa?
Te na reira atoa nei tatou i to tatou mau hoa.
Eaha ta oe hinaaro ra ia rave to oe mau hoa no oe?
A taio i te Ioane 1, 5:3, e a aparau i teie uiraa:
Eaha ta Iehova e titau ra i to ˈna mau hoa?
Peneiaˈe e titauhia ia tatou ia taui i to tatou haerea e to tatou huru no te auraro ia Iehova. A taio i te Isaia 48:17, 18, e a aparau i teie uiraa:
No te aha Iehova e titau ai i to ˈna mau hoa ia rave i te tauiraa?
E haamanaˈo mai te hoê hoa maitai te mau mea o te paruru ia tatou e ia maitaihia tatou. Te na reira atoa nei Iehova no to ˈna mau hoa
6. Eaha ta Iehova e rave no te tauturu i to ˈna mau hoa?
E tauturu Iehova i to ˈna mau hoa e faaruru ra i te fifi. A pata i te VIDEO, e a aparau i te uiraa i muri nei.
I roto i te video, mea nafea Iehova i te tautururaa i te hoê vahine i mua i te hepohepo?
A taio i te Isaia 41:10, 13, e a aparau i teie mau uiraa:
Eaha ta Iehova e fafau ra no to ˈna mau hoa atoa?
I to oe manaˈo, e hoa maitai anei Iehova? No te aha?
E tauturu te hoa piri ia oe ia hinaaro oe. E na reira atoa Iehova
7. Mea faufaa ia aparau e o Iehova no te riro ei hoa no ˈna
E piri atu â e piti hoa ia aparau raua te tahi i te tahi. A taio i te Salamo 86:6, 11, e a aparau i teie mau uiraa:
E nafea tatou e paraparau ai ia Iehova?
E nafea Iehova e paraparau ai ia tatou?
E paraparau tatou ia Iehova na roto i te pure. E paraparau mai oia ia tatou na roto i te Bibilia
TE MANAˈO O VETAHI: “Eita e nehenehe e faafatata ˈtu i te Atua.”
Eaha te irava Bibilia ta oe e faaite no te haapapu e nehenehe tatou e riro ei hoa no Iehova?
HAAPOTORAA
E hinaaro Iehova e riro ei hoa no oe e e tauturu oia ia oe ia faafatata ˈtu ia ˈna.
Haamanaˈoraa
E nafea Iehova e tauturu ai i to ˈna mau hoa?
No te aha Iehova e ani ai i to ˈna mau hoa ia rave i te tauiraa?
I to oe manaˈo, mea fifi roa anei ia riro ei hoa no Iehova? No te aha oia, aore ra no te aha aita?
HIˈOPOA
E nafea oe e faufaahia ˈi i te riroraa ei hoa no te Atua?
“O Iehova te hoê Atua e au ia itehia” (Te Pare Tiairaa 1 no Mati 2003)
A haapii e nafea e riro ai ei hoa no te Atua.
“E nafea ia riro vau ei hoa no te Atua?” (Ta te feia apî e uiui nei, [Buka 2], pene 35)
A hiˈo mea nafea te oraraa o te hoê vahine i te maitairaa i to ˈna riroraa mai ei hoa no Iehova.
A faaroo i te manaˈo o te tahi mau taurearea no nia ia Iehova.
-