7, 8. Eaha te fifi rahi e vai ra i roto i te amuiraa i Ephesia, e e nafea tatou e faaruru ai i te hoê â tupuraa?

⁷ E fifi rahi râ to te mau Kerisetiano i Ephesia. “Te vai nei . . . ta ˈu pariraa ia oe,” ta Iesu ïa i parau “i te mea ua tuu ia oe to hinaaro matamua ra.” Ua titauhia ia faaoraora te mau melo o te amuiraa i to ratou here matamua ia Iehova. (Mareko 12:28-30; Ephesia 2:4; 5:1, 2) E mea tia ia ara tatou paatoa eiaha ia ere i to tatou here matamua i te Atua. (Ioane 3, 3) Eaha râ mai te peu e e mea faufaa roa te tahi mau mea mai te hinaaroraa i te mau taoˈa materia aore ra te tapiraa i te mau mea navenave i roto i to tatou oraraa? (Timoteo 1, 4:8; 6:9, 10) E mea tia ïa ia pure uˈana tatou no te ani i te tauturu a te Atua e mono i teie mau hinaaro na roto i te here hohonu roa ia Iehova e te mauruuru no te mau mea atoa ta ˈna e ta ta ˈna Tamaiti i rave no tatou.—Ioane 1, 4:10, 16.

11. E nafea tatou e nehenehe ai e faaitoito i te here ia Iehova?

¹¹ Ua ere to Ephesia i to ratou here matamua, eaha râ mai te peu e hoê â tupuraa i roto i te hoê amuiraa i teie tau? Ia faaitoito tatou taitahi i te here ia Iehova na roto i te paraparauraa i ta ˈna mau ravea î i te here. E nehenehe tatou e haamauruuru no te here ta te Atua i faaite i to ˈna horoaraa mai i te hoo maoti ta ˈna Tamaiti here. (Ioane 3:16; Roma 5:8) Ia tano te reira, e nehenehe tatou e faahiti i te here o te Atua i roto i te mau pahonoraa e i roto i te mau tuhaa o te porotarama i te mau putuputuraa. E nehenehe tatou e faaite i to tatou iho here ia Iehova ma te arue i to ˈna iˈoa i roto i te taviniraa Kerisetiano. (Salamo 145:10-13) Oia mau, e nehenehe ta tatou mau parau e mau ohipa e tauturu rahi i te faaoraora aore ra i te haapuai i te here matamua o te hoê amuiraa.