• Mea nafea te haapaoraa hape i te haavareraa no nia i te Atua?
    Ia ora oe e a muri noa ˈtu! (Aparauraa Bibilia)

    • 2. Mea nafea te haapaoraa hape i te haavareraa no nia i te Atua na roto i ta ratou e rave ra?

      Mea papu aita te haapaoraa hape e tâuˈa ra i te taata mai ia Iehova e na reira. No te aha? No te mea te na ô ra te Bibilia “ua pue hoi ta ˈna mau hara e ua tae roa i te raˈi.” (Apokalupo 18:5) Eaha te itehia i teie mahana? Ua hanere matahiti, ua faaô te mau haapaoraa i roto i te mau ohipa poritita, ua turu i te mau tamaˈi o tei haapohe e rave rahi taata. Aita noa i navai i reira, te hinaaro atoa ra te mau tia haapaoraa ia onahia ratou, e ani ïa ratou i te moni i to ratou mau taata roto i te faaroo. Te haapapu ra teie mau ohipa e aita roa ˈtu ratou e ite o vai te Atua e aita atoa ratou e ohipa ra no te Atua.—A taio i te Ioane 1, 4:8.

  • A tapea i te taiva ore ia Iehova
    Ia ora oe e a muri noa ˈtu! (Aparauraa Bibilia)

    • A pata i te VIDEO.

      VIDEO: A haere ê mai i rapae ia Babulonia rahi! (5:06)

      E hohoˈa no roto i te video ‘A haere ê mai i rapae ia Babulonia rahi!’ Te hoê piahi Bibilia e haere ê ra mai mua i te hoê perepitero i muri aˈe i to ˈna vaiihoraa i ta ˈna ohipa i te fare pure.

      A taio i te Luka 4:8 e te Apokalupo 18:4, 5, e a pahono i teie mau uiraa:

      • Te vai noa ra anei to ˈu iˈoa i roto i te tapura o te mau taata o te hoê haapaoraa hape?

      • Tei roto anei au i te hoê faanahonahoraa ua tuea e te tahi atu haapaoraa?

      • I roto i te tahi tuhaa o ta ˈu ohipa, te turu ra anei te reira i te haapaoraa hape?

      • Te vai ra anei te tahi mau tuhaa o to ˈu oraraa te titauhia ia faataa ê mai i te haapaoraa hape?

      • Ia pahono vau e, i te hoê o teie mau uiraa, eaha te mau tauiraa ta ˈu e rave?

      Noa ˈtu eaha te mau tupuraa, a rave i te hoê faaotiraa e faatupu ai i te hoê manaˈo haava mâ e o te faaite ra i te taiva ore ia Iehova.

      Te hoê tuahine e ta ˈna tamaiti i rapae i te hoê fare toa. Te haere ra raua na mua i te hoê vahine e ani ra i te moni no te hoê ohipa na te haapaoraa.

      Eaha ta oe e rave ia anihia mai oe e turu i te ohipa na te haapaoraa?

      TE MANAˈO O VETAHI: “E hinaaro vau e ite eaha ta te mau apotata e parau ra no nia i te mau Ite no Iehova, e nehenehe ïa vau e turu i te parau mau.”