Génesis

5 Jaʼ ini jaʼ te libro te ya scholbey skʼoplal te skuxlejal te Adán. Kʼalal te Dios la spas te Adán, pajal yilel sok Dios la spas. 2 Winik sok ants la spas. Te kʼalal la yichʼik pasele, te Dios la yakʼtiklanbey bendición sok la yakʼbey sbiil Ants Winik.*

3 Kʼalal 130 yaʼbilal-a te Adane, ayin* jtul snichʼan te pajal yilel soke, la yakʼbey sbiil Set. 4 Te kʼalal ayinemix-a* te Set, kuxinxan 800 jaʼbil te Adane. Ayin yantik keremetik sok achʼixetik yuʼun. 5 Ta spisil kuxin 930 jaʼbil te Adane. Ta patil laj bael.

6 Kʼalal 105 yaʼbilal-a te Set, ayin* te snichʼan jaʼ te Enós. 7 Te kʼalal ayinemix-a* te Enós, kuxinxan 807 jaʼbil te Set. Ayin yantik keremetik sok achʼixetik yuʼun. 8 Ta spisil kuxin 912 jaʼbil te Set. Ta patil laj bael.

9 Kʼalal 90 yaʼbilal-a te Enós, ayin* te snichʼan jaʼ te Quenán. 10 Te kʼalal ayinemix-a* te Quenán, kuxinxan 815 jaʼbil te Enós. Ayin yantik keremetik sok achʼixetik yuʼun. 11 Ta spisil kuxin 905 jaʼbil te Enós. Ta patil laj bael.

12 Kʼalal 70 yaʼbilal-a te Quenán, ayin* te snichʼan jaʼ te Mahalalel. 13 Te kʼalal ayinemix-a* te Mahalalel, kuxinxan 840 jaʼbil te Quenán. Ayin yantik keremetik sok achʼixetik yuʼun. 14 Ta spisil kuxin 910 jaʼbil te Quenán. Ta patil laj bael.

15 Kʼalal 65 yaʼbilal-a te Mahalalel, ayin* te snichʼan jaʼ te Jared. 16 Te kʼalal ayinemix-a* te Jared, kuxinxan 830 jaʼbil te Mahalalel. Ayin yantik keremetik sok achʼixetik yuʼun. 17 Ta spisil kuxin 895 jaʼbil te Mahalalel. Ta patil laj bael.

18 Kʼalal 162 yaʼbilal-a te Jared, ayin* te snichʼan jaʼ te Enoc. 19 Te kʼalal ayinemix-a* te Enoc, kuxinxan 800 jaʼbil te Jared. Ayin yantik keremetik sok achʼixetik yuʼun. 20 Ta spisil kuxin 962 jaʼbil te Jared. Ta patil laj bael.

21 Kʼalal 65 yaʼbilal-a te Enoc, ayin* te snichʼan jaʼ te Matusalén. 22 Te kʼalal ayinemix-a* te Matusalén, kuxinxan 300 jaʼbil te Enoc, maba la skom sba ta beel sok te smelelil Diose.* Ayin yantik keremetik sok achʼixetik yuʼun. 23 Ta spisil kuxin 365 jaʼbil te Enoc. 24 Te Enoc maba la skom sba ta beel sok te smelelil Diose.* Maʼyuk machʼa la yilix-a, melel ikʼot bael yuʼun te Diose.

25 Kʼalal 187 yaʼbilal-a te Matusalén, ayin* te snichʼan jaʼ te Lamec. 26 Te kʼalal ayinemix-a* te Lamec, kuxinxan 782 jaʼbil te Matusalén. Ayin yantik keremetik sok achʼixetik yuʼun. 27 Ta spisil kuxin 969 jaʼbil te Matusalén. Ta patil laj bael.

28 Kʼalal 182 yaʼbilal-a te Lamec, ayin* te snichʼan. 29 La yakʼbey sbiilin Noé,* melel jich la yal: «Jaʼ te machʼa ya yakʼ lekubuk kʼinal kaʼiytik yuʼun te tulan aʼtelil ta skaj te la sbolobtesbey skʼoplal Jehová te lumkʼinale». 30 Te kʼalal ayinemix-a* te Noé, kuxinxan 595 jaʼbil te Lamec. Ayin yantik keremetik sok achʼixetik yuʼun. 31 Ta spisil kuxin 777 jaʼbil te Lamec. Ta patil laj bael.

32 Kʼalal 500 yaʼbilal-a te Noé, ayin* snichʼnab jaʼik te Sem, Cam sok te Jafet.