Kʼopona jich bitʼil tsʼibaybil

Chajpana aba ta lek. Ilbeya skʼoplal ta lek bin yuʼun la yichʼ tsʼibayel te bin ya akʼopone. Nopa skʼoponel ta jujunmajkʼ te kʼopetike, maba ta pʼalapʼalnax. Pasa tulan yuʼun maba ya awakʼbey sjoy, ya ajel sok te ya alokʼes jpʼal kʼop. Ichʼa ta wenta te komaetik, puntoetik, signoetik yuʼun jojkʼoyel sok yantikxan.

Ala ta lek spisil te kʼopetike. Teme ma xa anaʼ bin-utʼil ta alel jpʼal kʼop, aʼiya awaʼiy jun grabasion yuʼun te jun yakat ta skʼoponele o kʼanbeya koltayel te machʼa ya snaʼ ta lek skʼoponele.

Jamaluk ta aʼiyel te bitʼil ya akʼopone. Kʼalal ya akʼopon te jujunpʼal kʼope, jama ta lek te awee sok toya te ajole. Pasa tulan yuʼun tsʼakal ya akʼopon te jujunpʼal silabae.