Te smelelil jchʼuunjeletik naʼbilik sba yuʼun te skʼuxul yoʼtanik: Tseʼeluk koʼtantik yuʼun te bin smelelile

TE BIN YUʼUN TULAN SKʼOPLALE. Ya skʼan ya kaltik ta jamal te smelelil kʼop ta swenta te skʼanojel yoʼtan te Diose, jich te bin-utʼil la spas te Jesuse (Jn 18:37). Manchukme yakotik ta kuxinel ta balumilal te nojel ta lotil sok ta bintik ma stojiluk ta pasele ya skʼan te jaʼuk tseʼel koʼtantik yuʼun te bintik smelelil, te jaʼuk ya kalbeytik skʼoplal sok te ya jnopilantik ta koʼtantike (1Co 13:6; Flp 4:8).

TE BIN-UTʼIL TA PASEL

• Jaʼ te maba ya jchʼam kaʼiytik o te ya jpukbeytik skʼoplal te yantike (1Te 4:11).

• Jaʼ te maba tseʼeluk koʼtantik yuʼun te swokol te yantike.

• Jaʼ te jaʼuk ya jnop ta koʼtantik te bintik lek sok te bintik ya yakʼ smukʼul oʼtanile.

KʼALAL LA AWILIX-A TE VIDEO KʼUXUK AKʼA KAʼIY JBATIK TA JUJUNTUL: TE KʼUXUL OʼTANIL MA TSEʼELUK YOʼTAN YUʼUN TE BIN MA STOJILUK, JAʼ TSEʼEL YOʼTAN YUʼUN TE BIN SMELELIL, AKʼBEYA SUJTIB TE JOJKʼOYELETIKE:

• ¿Bin yuʼun ya kaltik te tseʼel yoʼtan te Luci yuʼun te «bin ma stojiluc» ta pasele?

• ¿Bin la spas te Alicia yuʼun la sjel te aʼiyej swenta jaʼ ya yalbeyik skʼoplal-a te bintik leke?

• ¿Bintik lek ya xjuʼ ya kalbeytik skʼoplal?