Мукет нуналаз адямиос лыктӥзы отчы, кытын Иисус соосты сюдӥз вал. Нош Иисус но апостолъёс отын ӧй вал. Соин ик адямиос пуксизы пыжъёсы, кудъёсыз Тивериадаысь вуизы, но, Иисусэз шедьтон понна, Капернауме кошкизы (Иоанн 6:22—24). Потэ вал-а соослэн Эксэйлык сярысь тросгес тодэмзы? Уг. Нырысь ик соослэн потэ вал, Иисус соослы эшшо нянь мед сётоз шуыса. Малы озьы вераны луоз? Учке, мар луиз, куке адямиос Иисусэз Капернаум котырысь шедьтӥзы. Иисус пырак соослы вераз, соос сое сиён понна утчазы шуыса. Со шуиз: «Монэ... нянь сиемды но кӧтты тыр луэм понна утчаськоды». Адямиос туж тыршизы, «сисьмыса быроно сиёнэз» шедьтон понна. Нош соослы тыршоно вал, «быронтэм улонлэсь сиёнзэ» шедьтон понна (Иоанн 6:26, 27). Иисус вераз, Атаез соослы сыӵе сиён сётоз шуыса. w24.12 5 б., 8, 9 абз.

Агай, сцена вылысен дышетыкуд яке кинлы ке визь-кенеш сётыкуд, тынад кылъёсыд Инмарлэн Кылыз вылэ пыкиськемын луыны кулэ. Тыршыса эскеры Библиез но публикациосмес (Мад. 15:28). Эскерон ортчытыкуд, саклыктэ висъя, кызьы Библиысь кылбуръёс валэктӥсько. Соку тон соосты шонер уже кутыны быгатод. Мукетъёсты дышетыкуд, соослэсь сюлэмзэс вырӟытыны тыршы. Эшшо но умой дышетӥсь луон понна, быгатӥсь тӧроослэсь юа, мае тон умоятыны быгатӥськод, но соослэн визь-кенешсылэсь кылзӥськы (1 Тим. 5:17). Тӧроос агайёсты но сузэръёсты дышетыны кулэ «шонер сюрес вылэ султыны». Озьы ик куддыръя тӧроос «пумитъяськисьёсты шарае поттыны» кулэ. Соку соослы асьсэды лякыт возёно. Тон астэ лякыт возид ке но яратондэ возьматӥд ке, нош визь-кенешъёсыд котьку но Библия вылэ пыкиськемын луизы ке, тон возьматод Быдӟым дышетӥсьлэсь, Иисус Христослэсь, адӟем кариськод шуыса (Матф. 11:28—30; 2 Тим. 2:24). w24.11 24 б., 16 абз.

Ми Иеговаез данъяськомы, со сярысь мукетъёсызлы вераса. Библия милемыз ӧтё: «Кузё-Инмарлы кырӟалэ», «Солэсь нимзэ данъялэ», «Солэн утёнэз сярысь ӟеч ивор вералэ», «Вань калыкъёс пӧлын Солэсь данзэ ивортылэ» (Пс. 95:1—3). Таӵе амалъёсын ми инмысь Атаймес данъяны быгатӥськомы (Ап. уж. 4:29). Озьы ик ми Иеговаез данъяськомы, ас мылкыд кареммыя коньдон сётыса. Вашкала дырысен Инмарлэн ужась-тыршисьёсыз сое асьсэлэн ваньбуренызы данъяло (Мад. 3:9). Кылсярысь, израиль калык курбонъёс вайылӥз, храмез пуктон но эскерон-тупатъян понна (4 Экс. 12:4, 5; 1 Пар. 29:3—9). Иисуслэн куд-ог дышетскисьёсыз солы но апостолъёсызлы «асьсэлэн ваньбуренызы юрттӥськыса улӥзы» (Лука 8:1—3). Озьы ик нырысетӥ даурысь христианъёс секыт сютэм ар дыръя агайёссылы но сузэръёссылы юрттӥськизы (Ап. уж. 11:27—29). Туннэ но ми быгатӥськомы Иеговаез данъяны, ас мылкыд кареммыя коньдон сётыса. w25.01 4 б., 8 абз.; 5 б., 11 абз.