Зәбур

Көтирилиш нахшиси. Сулайманниң күйи.

127 Әгәр Йәһва өйни қурмиса, у чағда

Қурулушчилар бекар хизмәт қилиду.

Әгәр Йәһва Худа шәһәрни қоғдимиса,

У чағда күзәтчиләр бекар ухлимайду.

 2 Бекардин-бекар силәр сәһәрдә туруп,

Кәч ятисиләр, нениңларни һарғанлиқта

Йәватисиләр. Чүнки У яхши көргинигә

Мана уйқа бериватиду.

 3 Оғуллар — Йәһвадин мирастур,

Балилар — қосақниң мевиси,

Униңдин болған мукапаттур.

 4 Қудрәтликниң қолидики оқлар —

Бу адәм балисиниң яш оғуллиридур.

 5 Өз оқданини улар билән толтурған

Киши нәқәдәр бәхитликтур!

Атилири изада қалмайду, сәвәви,

Оғуллири дүшмәнләр билән шәһәр

Дәрвазилири алдида сөзлишиду.