زبور

 2 آؤ اُس کا شکر ادا کرتے ہوئے اُس کے حضور*‏ حاضر ہوں؛‏

آؤ گیت گائیں اور اُس کے حضور جیت کے نعرے ماریں

 3 کیونکہ یہوواہ عظیم خدا ہے؛‏

وہ عظیم بادشاہ ہے اور باقی سب خداؤں سے بڑا ہے۔‏

 4 زمین کی گہرائیوں پر اُس کا اِختیار ہے؛‏*‏

پہاڑوں کی چوٹیاں اُسی کی ہیں۔‏

 5 اُسی نے سمندر بنایا اور وہ اُسی کا ہے؛‏

اُسی نے اپنے ہاتھوں سے خشک زمین کو بنایا۔‏

 6 آؤ، اُس کے سامنے جھکیں اور اُس کی عبادت کریں؛‏

آؤ اپنے خالق یہوواہ کے سامنے گُھٹنے ٹیکیں

 7 کیونکہ وہ ہمارا خدا ہے

اور ہم اُس کے بندے ہیں؛‏

ہم اُس کی چراگاہ کی بھیڑیں ہیں جن کی وہ دیکھ‌بھال کرتا ہے۔‏

آج اگر تُم اُس کی آواز سنو

 8 تو اپنے دلوں کو سخت نہ کرنا جیسے تُم نے مِریبہ*‏ میں کِیا تھا؛‏

جیسے تُم نے ویرانے میں مَسّہ*‏ میں کِیا تھا

 9 اُس وقت جب تمہارے باپ‌دادا نے میرا اِمتحان کِیا تھا

اور مجھے للکارا تھا حالانکہ اُنہوں نے میرے کام دیکھے تھے۔‏

‏”‏یہ وہ لوگ ہیں جن کے دل ہمیشہ گمراہ ہو جاتے ہیں؛‏

اِنہوں نے میری راہوں کو نہیں جانا۔“‏