زبور

38 اَے یہوواہ!‏ غصے میں مجھے نہ ڈانٹ

اور قہر میں میری اِصلاح نہ کر

 2 کیونکہ تیرے تیروں نے مجھے اندر تک چھلنی کر دیا ہے

اور تیرا ہاتھ مجھ پر بھاری ہے۔‏

 4 کیونکہ میرے گُناہوں کا ڈھیر میرے سر سے اُونچا ہو گیا ہے؛‏

وہ ایک بھاری بوجھ کی طرح ہیں جسے اُٹھانا میرے بس سے باہر ہے۔‏

 5 میری حماقت کی وجہ سے میرے زخموں سے پیپ رِس رہی ہے

اور بدبُو آ رہی ہے۔‏

 6 مَیں بہت تکلیف میں ہوں اور بالکل ٹوٹ چُکا ہوں؛‏

مَیں سارا سارا دن اُداس پھرتا رہتا ہوں۔‏

 7 میرے اندر آگ سی لگی ہوئی ہے؛‏*‏

میرا پورا جسم بیمار ہے۔‏

 8 مَیں بالکل سُن اور چُور چُور ہو گیا ہوں؛‏

مَیں اپنے دل کے کرب کی وجہ سے اُونچی اُونچی کراہتا ہوں۔‏

 9 اَے یہوواہ!‏ تُو میری ساری خواہشوں کو جانتا ہے؛‏

اور میری آہیں تجھ سے چھپی نہیں ہیں۔‏

10 میرا دل زور زور سے دھڑکتا ہے؛‏

میری طاقت ختم ہو گئی ہے

11 میری بیماری کی وجہ سے میرے دوست اور میرے ساتھی مجھ سے کتراتے ہیں

اور میرے رشتے‌دار مجھ سے دُور دُور رہتے ہیں۔‏

12 جو میری جان لینے پر تُلے ہیں، وہ میرے لیے پھندے بچھاتے ہیں؛‏

جو مجھے نقصان پہنچانے کی کوشش میں ہیں، وہ میری بربادی کی باتیں کرتے ہیں؛‏

وہ سارا سارا دن مجھے دھوکا دینے کے منصوبے بناتے ہیں۔‏

13 لیکن ایک بہرے شخص کی طرح مَیں اُن کی باتیں نہیں سنتا

اور ایک گونگے شخص کی طرح مَیں اپنا مُنہ نہیں کھولتا۔‏

14 مَیں ایک ایسے شخص کی طرح بن گیا ہوں جو سُن نہیں سکتا؛‏

جس کے پاس اپنے دِفاع میں کہنے کے لیے کچھ نہیں ہے

15 کیونکہ اَے یہوواہ!‏ مَیں نے تیرا اِنتظار کِیا

اور اَے یہوواہ میرے خدا!‏ تُو نے مجھے جواب دیا۔‏

16 مَیں نے کہا تھا:‏ ”‏اگر میرا پاؤں پھسل جائے

تو وہ میری حالت پر خوشی نہ منائیں یا خود کو مجھ سے بڑا نہ سمجھنے لگیں“‏

17 کیونکہ مَیں بس گِرنے ہی والا تھا

اور ہر وقت درد سے تڑپتا رہتا تھا۔‏

18 مَیں نے اپنی غلطی کا اِقرار کِیا؛‏

مَیں اپنے گُناہ کی وجہ سے سخت بے‌چین تھا۔‏

19 لیکن میرے دُشمن جوشیلے اور طاقت‌ور ہیں؛‏*‏

مجھ سے بِلاوجہ نفرت کرنے والوں کی تعداد بہت بڑھ گئی ہے۔‏

20 اُنہوں نے میری اچھائی کا بدلہ بُرائی سے دیا؛‏

وہ مجھے اچھے کام کرنے سے روکنے کی کوشش کر رہے تھے۔‏

22 اَے یہوواہ میری نجات!‏

جلدی میری مدد کر۔‏