زبور

9 اَے یہوواہ!‏ مَیں پورے دل سے تیری بڑائی کروں گا؛‏

مَیں تیرے سب شان‌دار کاموں کو بیان کروں گا۔‏

 2 مَیں تیری وجہ سے خوشی مناؤں گا اور باغ باغ ہوں گا۔‏

اَے خدا تعالیٰ!‏ مَیں تیرے نام کی تعریف میں گیت گاؤں گا۔‏*‏

 3 جب میرے دُشمن اُلٹے پاؤں بھاگیں گے

تو وہ تیرے سامنے لڑکھڑا کر گِر جائیں گے اور فنا ہو جائیں گے

 4 کیونکہ تُو میرا مُقدمہ لڑے گا اور مجھے اِنصاف دِلائے گا؛‏

تُو اپنے تخت پر بیٹھ کر اپنے نیک معیاروں کے مطابق فیصلہ کرے گا۔‏

 5 تُو نے قوموں کو ڈانٹا ہے اور بُرے لوگوں کو ہلاک کر دیا ہے؛‏

تُو نے اُن کا نام ہمیشہ ہمیشہ کے لیے مٹا دیا ہے۔‏

 6 دُشمن ہمیشہ کے لیے تباہ ہو گئے ہیں؛‏

تُو نے اُن کے شہروں کو جڑ سے اُکھاڑ دیا ہے؛‏

اُنہیں کبھی یاد نہیں کِیا جائے گا۔‏

 7 لیکن یہوواہ ہمیشہ تک تخت‌نشین رہے گا؛‏

اُس نے اِنصاف کرنے کے لیے اپنے تخت کو مضبوطی سے قائم کِیا ہے۔‏

 8 وہ اپنے نیک معیاروں کے مطابق پوری دُنیا*‏ کی عدالت کرے گا؛‏

وہ قوموں کے بارے میں صحیح*‏ فیصلے سنائے گا۔‏

 9 یہوواہ مظلوموں کے لیے محفوظ پناہ‌گاہ*‏ بن جائے گا؛‏

وہ مصیبت کے وقت اُن کی محفوظ پناہ‌گاہ ہوگا۔‏

10 جو تیرا نام جانتے ہیں، وہ تجھ پر بھروسا کریں گے؛‏

اَے یہوواہ!‏ تُو اُنہیں کبھی ترک نہیں کرے گا جو تیری رہنمائی حاصل کرنے کی کوشش کرتے ہیں۔‏

11 یہوواہ کی تعریف میں گیت گاؤ جو صِیّون میں رہتا ہے؛‏

قوموں میں اُس کے کاموں کا چرچا کرو۔‏

12 وہ مصیبت‌زدہ لوگوں کے خون کا بدلہ لیتا ہے اور اُنہیں یاد رکھتا ہے؛‏

وہ اُن کی دُہائیوں کو کبھی نہیں بھولے گا۔‏

13 اَے یہوواہ!‏ تُو جو مجھے موت کے مُنہ سے بچاتا ہے،‏*‏ مجھ پر مہربانی کر؛‏

دیکھ کہ مجھ سے نفرت کرنے والے مجھے کتنی تکلیف پہنچا رہے ہیں۔‏

14 پھر مَیں صِیّون کی بیٹی کے دروازوں پر تیرے قابلِ‌تعریف کاموں کا اِعلان کروں گا

اور تیرے نجات‌بخش کاموں کی وجہ سے خوش ہوں گا۔‏

15 قومیں اُس گڑھے میں گِر گئی ہیں جو اُنہوں نے کھودا تھا؛‏

اُن کے پاؤں اُس جال میں پھنس گئے ہیں جو اُنہوں نے بچھایا تھا۔‏

17 بُرے لوگ قبر*‏ میں چلے جائیں گے

بلکہ وہ سب قومیں جو خدا کو بھول جاتی ہیں۔‏

18 لیکن خدا غریب لوگوں کو کبھی نہیں بھولے گا

اور نہ ہی حلیم لوگوں کی اُمید کبھی مٹے گی۔‏

20 اَے یہوواہ!‏ قوموں پر خوف طاری کر دے؛‏

اُنہیں دِکھا دے کہ وہ بس فانی اِنسان ہیں۔ ‏(‏سِلاہ)‏