زبور

ہمارے خدا کی تعریف میں گیت گانا*‏ اچھا ہے؛‏

اُس کی بڑائی کرنا کتنا دل‌پسند اور مناسب ہے!‏

 2 یہوواہ یروشلم کو تعمیر کر رہا ہے؛‏

وہ اِسرائیل کے بکھرے ہوئے لوگوں کو اِکٹھا کر رہا ہے۔‏

 3 وہ دُکھ سے چُور لوگوں کو شفا دیتا ہے؛‏

وہ اُن کے زخموں پر پٹی باندھتا ہے۔‏

 4 وہ ستاروں کی تعداد جانتا ہے*‏

اور اُن سب کو نام سے بُلاتا ہے۔‏

 5 ہمارا مالک عظیم اور بے‌حد طاقت‌ور ہے؛‏

اُس کی دانش‌مندی کی کوئی حد نہیں ہے۔‏

 6 یہوواہ حلیم لوگوں کو سرفراز کرتا ہے

مگر بُرے لوگوں کو زمین پر پٹخ دیتا ہے۔‏

 7 گیت گا کر یہوواہ کا شکر ادا کرو؛‏

بربط*‏ بجا کر ہمارے خدا کی تعریف میں گیت گاؤ

 8 جو آسمان کو بادلوں سے ڈھانکتا ہے؛‏

جو زمین پر بارش برساتا ہے؛‏

جو پہاڑوں پر گھاس اُگاتا ہے۔‏

 9 وہ جانوروں کو خوراک دیتا ہے

اور کوّوں کے بچوں کو بھی جب وہ کھانا مانگتے ہیں۔‏

10 وہ گھوڑے کی طاقت سے خوش نہیں ہوتا

اور نہ ہی اِنسان کی مضبوط ٹانگوں سے متاثر ہوتا ہے۔‏

11 یہوواہ اُن لوگوں سے خوش ہوتا ہے جو اُس کا خوف رکھتے ہیں؛‏

جو اُس کی اٹوٹ محبت پر آس لگاتے ہیں۔‏

13 وہ تیرے شہر کے دروازوں کے کُنڈوں کو مضبوط بناتا ہے؛‏

وہ تیرے بیٹوں کو برکت دیتا ہے۔‏

14 وہ تیرے علاقے میں امن قائم کرتا ہے؛‏

وہ تجھے بہترین گندم*‏ سے سیر کرتا ہے۔‏

15 وہ زمین پر اپنا حکم بھیجتا ہے؛‏

اُس کا کلام تیزی سے بھاگ کر جاتا ہے۔‏

16 وہ برف کو اُون کی طرح بھیجتا ہے

اور پالے*‏ کو راکھ کی طرح بکھیرتا ہے۔‏

19 وہ یعقوب کو اپنا کلام سناتا ہے؛‏

وہ اِسرائیل کو اپنے معیار اور قوانین بتاتا ہے۔‏

20 اُس نے کسی اَور قوم کے سلسلے میں ایسا نہیں کِیا؛‏

وہ اُس کے قوانین کے بارے میں کچھ نہیں جانتیں۔‏