زبور

 2 ورنہ وہ شیر کی طرح میرے*‏ ٹکڑے ٹکڑے کر دیں گے؛‏

وہ مجھے اُٹھا کر لے جائیں گے اور مجھے بچانے والا کوئی نہیں ہوگا۔‏

 3 اَے یہوواہ میرے خدا!‏ اگر مَیں نے کوئی غلطی کی ہے؛‏

اگر مَیں نے نااِنصافی سے کام لیا ہے؛‏

 4 اگر مَیں نے اُس شخص کے ساتھ کچھ بُرا کِیا ہے جس نے میرے ساتھ بھلائی کی ہے

یا اگر مَیں نے بِلاوجہ اپنے دُشمن کو لُوٹا ہے*‏

 5 تو دُشمن میرا پیچھا کر کے مجھے*‏ گھیر لے؛‏

مجھے زمین پر کچل کر میری جان لے لے

اور میری ساری عزت مٹی میں ملا دے۔ ‏(‏سِلاہ)‏

 6 اَے یہوواہ!‏ اُٹھ!‏ اپنا غصہ ظاہر کر؛‏

غصے سے بھڑکے ہوئے میرے دُشمنوں کے خلاف کھڑا ہو؛‏

میری خاطر جاگ اور حکم دے کہ اِنصاف کِیا جائے۔‏

 7 قومیں تیرے اِردگِرد اِکٹھی ہو جائیں

اور تُو بلندی سے اُن کے خلاف کارروائی کرے۔‏

لیکن نیک لوگوں کو محفوظ رکھ

کیونکہ تُو نیک خدا ہے جو دلوں کو اور گہرائیوں میں موجود احساسات*‏ کو جانچتا ہے۔‏

11 خدا نیک منصف ہے؛‏

وہ ہر روز فیصلے*‏ سناتا ہے۔‏

12 اگر کوئی شخص توبہ نہیں کرتا تو خدا اپنی تلوار تیز کرتا ہے؛‏

وہ اپنی کمان کَستا ہے اور اِسے تانتا ہے؛‏

13 وہ اپنے خطرناک ہتھیاروں کو تیار کرتا ہے؛‏

وہ اپنے جلتے ہوئے تیروں سے نشانہ باندھتا ہے۔‏

14 اُسے دیکھ جس کی کوکھ میں بُرائی پَل رہی ہے؛‏

اُس کے پیٹ میں فساد کا حمل ٹھہرتا ہے اور وہ جھوٹ کو جنم دیتا ہے۔‏

15 وہ گڑھا کھودتا ہے اور اِسے گہرا کرتا ہے

لیکن وہ خود اپنے کھودے ہوئے گڑھے میں گِر جائے گا۔‏

16 اُس نے جو مصیبت کھڑی کی ہے، وہ اُسی کے سر آ پڑے گی؛‏

اُس نے جو ظلم ڈھایا ہے، وہ خود ہی اُس کا شکار ہو جائے گا۔‏

17 مَیں یہوواہ کے اِنصاف کے لیے اُس کی بڑائی کروں گا؛‏

مَیں خدا تعالیٰ یہوواہ کے نام کی تعریف میں گیت گاؤں گا۔‏*‏