زبور

40 مَیں نے پورے دل سے یہوواہ سے اُمید لگائی*‏

اور اُس نے میری اِلتجا پر توجہ فرمائی؛‏*‏

 2 اُس نے مجھے ٹھاٹھیں مارتے پانی کے گڑھے سے باہر کھینچا

اور مجھے دَلدل سے باہر نکالا۔‏

اُس نے مجھے چٹان پر کھڑا کر دیا

اور میرے قدم مضبوطی سے جما دیے۔‏

 3 پھر اُس نے میرے مُنہ میں ایک نئے گیت کے بول ڈالے،‏

ہمارے خدا کی بڑائی کے گیت کے بول۔‏

بہت سے لوگ یہوواہ کا گہرا احترام کریں گے*‏

اور اُس پر بھروسا رکھیں گے۔‏

 4 وہ شخص خوش رہتا ہے جو یہوواہ پر بھروسا رکھتا ہے

اور اُن لوگوں سے اُمید نہیں لگاتا جو سرکش یا جھوٹے ہیں۔‏

 5 اَے یہوواہ میرے خدا!‏

تُو نے کتنا کچھ کِیا ہے!‏

تیرے حیران‌کُن کام اور ہماری بھلائی کے لیے تیرے خیالات کتنے زیادہ ہیں!‏

تیرے جیسا کوئی نہیں ہے!‏

اگر مَیں اُن سب کا ذکر اور بیان کرنا چاہوں تو نہیں کر پاؤں گا

کیونکہ وہ بے‌شمار ہیں۔‏

 6 تُو قربانیاں اور نذرانے نہیں چاہتا تھا۔‏*‏

لیکن تُو نے میرے کان کھول دیے تاکہ مَیں تیری سنوں۔‏

 8 اَے میرے خدا!‏ تیری مرضی پر چلنے سے مجھے خوشی ملتی ہے*‏

اور تیرے قوانین میرے دل میں بسے ہیں۔‏

مَیں اپنی بہت سی غلطیوں کے بوجھ تلے دب گیا ہوں اور دیکھ نہیں پا رہا کہ مَیں کہاں جا رہا ہوں؛‏

اُن کی تعداد میرے سر کے بالوں سے بھی زیادہ ہے

اور مَیں ہمت ہار چُکا ہوں۔‏

14 وہ سب جو میری جان لینے پر تُلے ہیں،‏

شرمندہ اور رُسوا ہوں۔‏

جو میری مصیبت پر خوش ہوتے ہیں،‏

وہ ذلیل ہو کر اُلٹے پاؤں بھاگ جائیں۔‏

16 لیکن جو تیری رہنمائی حاصل کرنے کی کوشش کرتے ہیں،‏

وہ تیری وجہ سے خوش اور باغ باغ ہوں۔‏

17 مگر مَیں بے‌سہارا اور غریب ہوں؛‏

اَے یہوواہ!‏ مجھ پر توجہ فرما۔‏

تُو میرا مددگار اور چھڑانے والا ہے؛‏

اَے میرے خدا!‏ دیر نہ کر۔‏