زبور

 2 موسیقی چھیڑو اور دف بجاؤ؛‏

تاردار ساز کے ساتھ سُریلا بربط*‏ بجاؤ۔‏

 3 نئے چاند کے موقعے پر نرسنگا*‏ بجاؤ

اور پورے چاند کے موقعے پر بھی، ہاں، ہماری عید کے دن پر بھی

 4 کیونکہ یہ اِسرائیل کے لیے فرمان ہے

اور یعقوب کے خدا کا حکم ہے۔‏

 5 جب خدا نے مصر کے خلاف کارروائی کی

تو اُس نے یہ حکم یاددہانی کے طور پر یوسف کو دیا۔‏

 6 اُس نے کہا:‏ ”‏مَیں نے اُس کے کندھوں سے بوجھ اُتار دیا

اور اُس کے ہاتھوں سے ٹوکری چھڑا لی۔‏

 7 تُم نے مصیبت کے دن مجھے پکارا اور مَیں نے تمہیں بچایا؛‏

مَیں نے تمہیں گرجتے بادل سے*‏ جواب دیا۔‏

 9 تمہارے درمیان کوئی بھی دوسرا خدا نہیں ہوگا

اور تُم دوسرے خداؤں کے سامنے نہیں جھکو گے۔‏

10 مَیں یہوواہ تمہارا خدا ہوں،‏

وہی خدا جو تمہیں مصر سے نکال لایا۔‏

11 لیکن میرے بندوں نے میری بات نہیں سنی؛‏

اِسرائیل نے میرا حکم نہیں مانا۔‏

12 اِس لیے مَیں نے اُنہیں اُن کے ہٹ‌دھرم دل کے مطابق چلنے دیا؛‏

اُنہوں نے وہی کِیا جو اُنہیں صحیح لگا۔‏*‏

13 کاش میرے بندے میری بات سنتے!‏

کاش اِسرائیل میری راہوں پر چلتا!‏

14 تب مَیں اُن کے دُشمنوں کو فوراً ہرا دیتا

اور اُن کے مخالفوں کو سزا دیتا۔‏*‏

15 یہوواہ سے نفرت کرنے والے اُس کے سامنے کانپنے لگیں گے

اور اُن کی سزا*‏ ہمیشہ کے لیے ہوگی۔‏

16 لیکن وہ تمہیں بہترین گندم*‏ کھلائے گا

اور تمہیں چٹان سے نکلنے والے شہد سے سیر کرے گا۔“‏