زبور

اُس نے شان‌وشوکت کا لباس پہنا ہوا ہے؛‏

یہوواہ نے طاقت کی پوشاک پہنی ہوئی ہے؛‏

اُس نے اِسے پیٹی*‏ کی طرح باندھا ہوا ہے۔‏

زمین*‏ مضبوطی سے قائم ہے؛‏

اِسے ہلایا نہیں جا سکتا۔‏*‏

 2 تیرا تخت مُدتوں پہلے مضبوطی سے قائم کِیا گیا؛‏

تُو ہمیشہ ہمیشہ سے موجود ہے۔‏

 3 اَے یہوواہ!‏ دریا ٹھاٹھیں مار رہے ہیں؛‏

دریا ٹھاٹھیں مار رہے ہیں اور گرج رہے ہیں؛‏

دریا مسلسل ٹھاٹھیں مار رہے ہیں اور شور مچا رہے ہیں۔‏

 4 بلندیوں پر یہوواہ کی عظمت بے‌مثال ہے؛‏

وہ گہرے پانیوں کے شور سے بھی زیادہ طاقت‌ور ہے،‏

ہاں، سمندر کی بپھری ہوئی لہروں سے بھی زیادہ۔‏