زبور

 2 اَے میرے خدا!‏ مَیں تجھ پر بھروسا کرتا ہوں؛‏

مجھے شرمندہ نہ ہونے دے۔‏

 3 بے‌شک اُن لوگوں میں سے کوئی بھی شرمندہ نہیں ہوگا جو تجھ سے اُمید لگاتے ہیں

مگر وہ لوگ شرمندہ ہوں گے جو بِلاوجہ دوسروں کو دھوکا دیتے ہیں۔‏

 4 اَے یہوواہ!‏ مجھے اپنی راہیں بتا؛‏

مجھے اپنی راہوں پر چلنا سکھا۔‏

 5 مجھے اپنی سچائی کی راہ پر چلنے کی توفیق عطا کر اور مجھے تعلیم دے

کیونکہ تُو میرا خدا ہے جو مجھے نجات دِلاتا ہے۔‏

 6 اَے یہوواہ!‏ اپنے رحم اور اپنی اٹوٹ محبت کو یاد کر

جو تُو ہمیشہ سے ظاہر کرتا آیا ہے۔‏*‏

اَے یہوواہ!‏ اپنی اٹوٹ محبت اور اپنی اچھائی کی وجہ سے مجھے یاد کر۔‏

ט ‏[‏طیتھ]‏

 9 وہ صحیح کام*‏ کرنے میں حلیم لوگوں کی رہنمائی کرے گا؛‏

وہ حلیم لوگوں کو اپنی راہ پر چلنا سکھائے گا۔‏

10 جو لوگ یہوواہ کے عہد اور یاددہانیوں کے مطابق چلتے ہیں،‏

اُن سے وہ ہمیشہ اٹوٹ محبت اور وفاداری نبھاتا ہے۔‏

11 اَے یہوواہ!‏ میرا گُناہ بہت بڑا ہے

لیکن اپنے نام کی خاطر اِسے معاف کر دے۔‏

13 وہ*‏ اچھی چیزوں کا مزہ لے گا

اور اُس کی نسل زمین کی مالک ہوگی۔‏

14 یہوواہ کے قریبی دوست وہ لوگ بن سکتے ہیں جو اُس کا خوف رکھتے ہیں

اور وہ اُنہیں اپنے عہد کے بارے میں بتاتا ہے۔‏

15 میری آنکھیں ہمیشہ یہوواہ کی طرف لگی رہتی ہیں

کیونکہ وہ میرے پاؤں کو جال سے چھڑائے گا۔‏

16 اپنا چہرہ میری طرف موڑ اور مجھ پر مہربانی کر

کیونکہ مَیں اکیلا اور بے‌سہارا ہوں۔‏

17 میرے دل کی پریشانیاں بہت بڑھ گئی ہیں؛‏

مجھے میری تکلیف سے چھڑا۔‏

18 میری مصیبت اور پریشانی کو دیکھ

اور میرے سارے گُناہ معاف کر دے۔‏

19 دیکھ، میرے دُشمن کتنے زیادہ ہیں؛‏

وہ مجھ سے نفرت کی وجہ سے مجھ پر ظلم کرنا چاہتے ہیں۔‏

21 میری وفاداری اور میرا سیدھی راہ پر چلنا میری حفاظت کرے

کیونکہ مَیں نے تجھ سے اُمید لگائی ہے۔‏