زبور

5 اَے یہوواہ!‏ میری باتوں پر توجہ فرما؛‏

میری آہوں پر دھیان دے۔‏

 2 اَے میرے بادشاہ!‏ اَے میرے خدا!‏ مدد کے لیے میری فریاد پر توجہ فرما

کیونکہ مَیں تجھ سے دُعا کرتا ہوں۔‏

 3 اَے یہوواہ!‏ مَیں صبح کے وقت تجھے اپنی پریشانی بتاؤں گا

اور بے‌تابی سے تیرے جواب کا اِنتظار کروں گا؛‏

 4 کیونکہ تُو ایسا خدا نہیں جو بُرائی سے خوش ہو؛‏

کوئی بُرا شخص تیرے سامنے ٹک نہیں سکتا۔‏

تُو اُن سب لوگوں سے نفرت کرتا ہے جو بُرے کام کرتے ہیں؛‏

 6 تُو اُن لوگوں کو ہلاک کر دے گا جو جھوٹ بولتے ہیں۔‏

 7 لیکن مَیں تیری عظیم اٹوٹ محبت کی وجہ سے تیرے گھر میں آؤں گا؛‏

مَیں تیرے خوف*‏ کی وجہ سے تیری مُقدس ہیکل*‏ کا رُخ کر کے سجدہ کروں گا۔‏

 8 اَے یہوواہ!‏ مجھے اپنی نیک راہ پر چلا کیونکہ میرے دُشمنوں نے مجھے گھیرا ہوا ہے؛‏

میری مدد کر تاکہ مَیں لڑکھڑائے بغیر تیری راہ پر چلوں۔‏

 9 میرے دُشمنوں کی کسی بات پر بھروسا نہیں کِیا جا سکتا؛‏

اُن کا دل بُرائی سے بھرا ہے؛‏

اُن کا حلق کُھلی قبر ہے؛‏

وہ اپنی زبان سے خوشامد کرتے ہیں۔‏

10 لیکن خدا اُنہیں قصوروار ٹھہرائے گا؛‏

وہ اپنے ہی کھودے ہوئے گڑھے میں گِر جائیں گے۔‏

اَے خدا!‏ اُنہیں اُن کے بے‌اِنتہا گُناہوں کی وجہ سے اپنے سامنے سے دُور کر دے

کیونکہ اُنہوں نے تیرے خلاف بغاوت کی ہے۔‏

11 لیکن وہ سب جو تیرے پاس پناہ لیتے ہیں، خوش ہوں گے؛‏

وہ ہمیشہ خوشی سے للکاریں گے۔‏

تُو بُرے لوگوں کو اُن تک پہنچنے نہیں دے گا

اور جو تیرے نام سے محبت کرتے ہیں، وہ تیری وجہ سے خوشی منائیں گے

12 کیونکہ اَے یہوواہ!‏ تُو سب نیک لوگوں کو برکت دے گا؛‏

تیری مہربانی ایک بڑی ڈھال کی طرح اُن کی حفاظت کرے گی۔‏