خدا کے کلام میں یسوع مسیح کو بہت سے ایسے لقب دئے جاتے ہیں جن سے ہم اُس کے رتبے کی اہمیت کو بہتر طور پر سمجھ جاتے ہیں۔ اِن القاب سے ہم یہ بھی سمجھ جاتے ہیں کہ یسوع نے ہمارے لئے جو کچھ کِیا ہے، جو کچھ کر رہا ہے اور مستقبل میں جو کچھ کرے گا اِس سے ہم کیسے فائدہ حاصل کر سکتے ہیں۔ (‏صفحہ ۱۴ پر بکس ”‏یسوع مسیح کا اہم کردار“‏ کو دیکھیں۔)‏ خدا نے یسوع مسیح کو ”‏وہ نام بخشا جو سب ناموں سے اعلیٰ ہے۔“‏a اِس کے علاوہ خدا نے اُسے آسمان اور زمین کا کُل اِختیار دیا ہے۔—‏فلپیوں ۲:‏۹؛ متی ۲۸:‏۱۸۔