Die Yen Uvie rẹ Ọghẹnẹ?

Uvie rẹ Ọghẹnẹ yen ovuẹ rọ ma ghanre vwẹ Baibol na. Jihova cha reyọ Uvie na vwo ru ọhọre rọyen vwọ kẹ otọrakpọ na gba. Die yen Uvie rẹ Ọghẹnẹ? Mavọ yen a vwọ riẹn nẹ o suẹn re? Die yen Uvie na rugba re? Kẹ, die yen o che ru vwẹ obaro na? A cha mrẹ ẹkpahọnphiyọ rẹ enọ yena vwẹ uyono nana vẹ ivẹ re vwọ kpahọn.

1. Die yen Uvie rẹ Ọghẹnẹ, kẹ ono yen Ovie rẹ Uvie na?

Jihova yen vwẹ Uvie na vwo mu. Jesu Kristi yen Ovie na. O che sun nẹ odjuvwu rhe. (Matiu 4:17; Jọn 18:36) Baibol na da ta kpahen Jesu: “Kọ re . . . bẹdẹ.” (Luk 1:32, 33) Kerẹ Ovie rẹ Uvie rẹ Ọghẹnẹ, Jesu che sun ihwo ejobi rehẹ otọrakpọ na.

2. Amono yen che nene Jesu sun?

Ọ dia Jesu ọvo yen che su-un. Ihwo ri “nẹ orua korua kugbe ephẹrẹ kugbe ihwo kugbe ẹgborho . . . [yen] cha re vwẹ akpọ na.” (Ẹvwọphia 5:9, 10) Bru ihwo yen che nene Jesu sun? Rhanvwẹ ọke rẹ Jesu vwọ rhe otọrakpọ na, ihwo iduduru buebun re dia idibo rọyen re. Jẹ, ihwo 144,000 vwẹ usun rayen yen che kpo odjuvwu re nene Jesu sun. (Se Ẹvwọphia 14:1-4.) Inenikristi ichekọ cha dia otọ rẹ usuon rẹ Uvie na.—Une Rẹ Ejiro 37:29.

3. Idjerhe vọ yen Uvie rẹ Ọghẹnẹ vwo yovwin nẹ usuon rẹ ihworakpọ?

Ọke buebun isun rẹ ihworakpọ da guọnọ ru emu esiri, ayen vwo ẹgba ayen se vwo ru ejobi-i. Ukuotọ rọyen, a me reyọ usuon ọfa ro ghwe vwo ọdavwẹ rẹ ihwo rehẹ otọ rẹ usuon rọye-en vwo wene. Ẹkẹvuọvo, a cha sa vwẹ ohwo ọfa vwo wene Jesu rọ dia Ovie rẹ Uvie rẹ Ọghẹnẹ-ẹ. Ọghẹnẹ “vwẹ uvie ọvo mu, ra sa guọghọ-ọ.” (Daniẹl 2:44) Jesu yen che sun akpọneje, o che ni ihwo ru-u. O vwo ẹguọnọ kugbe uruemu esiri, o bru orhiẹn ọsoso, o ji che yono ihworakpọ na eje ayen vwo dje ẹguọnọ, uruemu esiri vẹ orhiẹn abavo phia.—Se Aizaya 11:9.

4. Usuon ro vwo ẹgba che sun akpọneje

Jesu Kristi vwo ẹgba ro vwo sun ihworakpọ vwọ vrẹ isun rẹ akpọ na. Se Matiu 28:18, ovwan ta ota kpahen onọ nana:

• Idjerhe vọ yen ẹgba rẹ usuon ri Jesu vwọ rho nẹ ọ rẹ isun rẹ ihworakpọ?

Ọkieje yen isun rẹ ihworakpọ na vwo wene, jẹ ẹbẹre ọvo rẹ akpọ na yen ayen suẹn. Kẹ, Uvie rẹ Ọghẹnẹ vwo? Se Daniẹl 7:14, ovwan ta ota kpahen enọ nana:

• Diesorọ ọ vwọ vwerhoma nẹ a cha “sa ghwọrọ” Uvie rẹ Ọghẹnẹ-ẹ?

• Diesorọ ọ vwọ vwerhoma nẹ Uvie na che sun akpọneje?

5. E che wene usuon rẹ ihworakpọ

Diesorọ o vwo fo nẹ Uvie rẹ Ọghẹnẹ reyọ ẹdia rẹ usuon rẹ ihworakpọ? Hworo IVIDIO na, ovwan ta ota kpahen onọ ro nenire.

IVIDIO: Die Yen Uvie rẹ Ọghẹnẹ?—Ẹbẹre ra Reyọ Norhe (1:41)

• Die yen nẹ obuko rẹ usuon rẹ ihworakpọ rhire?

Se Aghwoghwo 8:9, ovwan ta ota kpahen enọ nana:

• Wo rorori nẹ ofori nẹ Uvie rẹ Ọghẹnẹ reyọ ẹdia rẹ usuon rẹ ihworakpọ? Kẹ, diesorọ?

6. Uvie rẹ Ọghẹnẹ vwo isun ri vwo ẹruọ rẹ avwanre

Ọ vwọ dianẹ Jesu rọ dia Ovie rẹ avwanre dia otọrakpọ na re, ọ dia ohwo “ro jẹ ọdavwẹ rẹ avwanre ẹriẹ-ẹn.” (Hibru 4:15) Jihova sanẹ eshare vẹ eya 144,000 ri fuevun ri che nene Jesu sun vwo “nẹ orua korua kugbe ephẹrẹ kugbe ihwo kugbe ẹgborho.”—Ẹvwọphia 5:9.

• Ọ vwerhen owẹ oma nẹ Jesu vẹ ihwo ri che nene sun na riẹn obo rọ dia a vwọ dia ohworakpọ? Kẹ, diesorọ?

7. Irhi rẹ Uvie rẹ Ọghẹnẹ yen me yovwin kparobọ

Usuon jurhi ro che fierere je sẹro rẹ ihwo rehẹ otọ rẹ usuon na. Uvie rẹ Ọghẹnẹ ji vwo irhi ro fori nẹ ihwo rehẹ otọ rẹ usuon rọyen je yan nene. Se 1 Kọrẹnt 6:9-11, ovwan ta ota kpahen enọ nana:

• Mavọ yen wo rorori nẹ akpọ na cha dia ihwo ejobi da yan nene irhi rẹ Ọghẹnẹ?a

• Ọhọ herọ rẹ Jihova vwo rhẹro rọyen nẹ ihwo rehẹ otọ rẹ usuon rọyen che muọghọ vwọ kẹ irhi rọyen? Kẹ, diesorọ?

• Die yen djerephia nẹ ihwo re yọnrọn irhi rọye-en se wene?—Ni owọ 11.

ỌDJẸKOKO

Uvie rẹ Ọghẹnẹ ọyen obọdẹn rẹ usuon vwẹ odjuvwu ro che sun akpọneje.

Ẹrhomafuẹrẹn

• Amono yen che sun vwẹ Uvie rẹ Ọghẹnẹ?

• Idjerhe vọ yen Uvie rẹ Ọghẹnẹ vwo yovwin nẹ usuon rẹ ihworakpọ?

• Ọrhọ yen erọnvwọn evo rẹ Jihova rhẹro rọyen mie ihwo rehẹ otọ rẹ Uvie rọyen?

HIẸ GUỌNỌ

Roro kpahen oborẹ Jesu ta kpahen asan rẹ Uvie rẹ Ọghẹnẹ hepha.

“Uvie rẹ Ọghẹnẹ Hẹ Ubiudu Wẹn?” (Uyovwinrota rọhẹ jw.org)

Diesorọ Iseri ri Jihova vwo brorhiẹn ayen vwọ fuevun vwọ kẹ Uvie rẹ Ọghẹnẹ ukperẹ usuon rẹ ihworakpọ?

A Vwọ Kpahotọ kẹ Uvie rẹ Ọghẹnẹ (1:43)

Fuẹrẹn oborẹ Baibol na ta kpahen ihwo 144,000 rẹ Jihova sanere nẹ i nene Jesu sun.

“Amono Yen Che Kpo Odjuvwu?” (Uyovwinrota rọhẹ jw.org)

Die yen kẹ aye ọvo rọhẹ uwodi imuẹro nẹ Ọghẹnẹ ọvo yen sa vwẹ akpọ re de brorhiẹn ọsoso vwọ rhe?

“Obo Me Vwọ Mrẹ Ẹkpahọnphiyọ kẹ Enọ Mi Vwo kpahen Orhiẹn Ehuhu” (Awake!, November 2011)