17 A ita tshiṱomambone+ nga musuku vhukuma. A tshi ita nga musuku wo fulwaho. Hune tsha ima ngaho, tsinde ḽatsho, matavhi atsho, zwiṱari* zwatsho, madungo atsho na maluvha atsho zwo vha zwi tshithu tshithihi.+ 18 Tsinde ḽatsho ḽo vha ḽi na matavhi a rathi, matavhi mararu kha iṅwe thungo na mararu kha iṅwe. 19 Kha iṅwe thungo, tavhi ḽiṅwe na ḽiṅwe ḽo vha ḽi na zwiṱari* zwi ngaho maluvha a alimondo, dungo na luvha, zwo vha zwo tevhekana nga zwiraru nga zwiraru. Ho itwa zwi fanaho na kha matavhi a re kha iṅwe thungo. Ndi zwe zwa itwa kha matavhi a rathi a tshiṱomambone. 20 Kha tsinde ḽa tshiṱomambone ho vha hu na zwiṱari* zwi ngaho maluvha a alimondo, dungo na luvha, zwo tevhekana nga zwiṋa nga zwiṋa. 21 Kha tshenetsho tshiṱomambone tshi re na matavhi a rathi, kha tsinde ḽatsho hune matavhi mavhili a u thoma a ṱangana hone, ho vha hu na dungo nga fhasi. Nga fhasi ha matavhi mavhili ane a tevhela ho vha hu na dungo, na nga fhasi ha matavhi mavhili a u fhedzisela ho vha hu na dungo. 22 Tshiṱomambone tshoṱhe u katela madungo na matavhi atsho zwo vha zwo itwa nga musuku vhukuma muthihi wo fulwaho. 23 A tshi itela mbone+ dza sumbe na zwa u dzima mbone na zwa u oka mulilo, a zwi ita nga musuku vhukuma. 24 A tshi ita na thundu dzatsho dzoṱhe nga musuku vhukuma wa talente* nthihi.