• Esera 1:1, 2
    Bivhili Ipfi Ḽa Mudzimu

    • 1 Nga ṅwaha wa u thoma hu tshi khou vhusa Korese+ khosi ya Peresia, Yehova a ita uri hu itee zwe a zwi amba a tshi shumisa Yeremia,+ Yehova a ṱuṱuwedza Khosi Korese wa Peresia uri a ḓivhadze muvhusoni wawe woṱhe, a dovhe a ṅwale+ uri:

      2 “Khosi Korese wa Peresia u ri: ‘Yehova Mudzimu wa ṱaḓulu o nṋea mivhuso yoṱhe ya kha ḽifhasi,+ o nndaedza uri ndi mu fhaṱele nnḓu ngei Yerusalema,+ kha ḽa Yuda.

  • Yesaya 21:2
    Bivhili Ipfi Ḽa Mudzimu

    •  2 Ndo sumbedzwa bono ḽi ofhisaho:

      Wa tshimbevha u khou ita zwa tshimbevha,

      Wa u fhelisa u khou fhelisa.

      Iwe Elamu, takuwa! Iwe Meda, tanga muḓi!+

      Ndi ḓo fhelisa u tambula ho bveledzwaho ngawo.+

  • Yesaya 45:1
    Bivhili Ipfi Ḽa Mudzimu

    • 45 Zwe Yehova a zwi vhudza muḓodzwa wawe Korese,+

      We a mu fara nga tshanḓa tshawe tsha u ḽa+

      Uri a kunde tshaka dzi re phanḓa hawe,+

      Uri a dzhiele mahosi zwiṱhavhane,

      Uri ndi mu vulele mavothi,

      Uri khoro dzi si valwe, ndi hezwi:

  • Yeremia 50:9
    Bivhili Ipfi Ḽa Mudzimu

    •  9 Ndi khou ḓisela ḽa Babele

      Tshigwada tsha tshaka khulwane dzi bvaho shangoni ḽa devhula.+

      Dzi ḓo ḽi ḓela dzo ḓilugiselela u lwa;

      Dza ḽi thuba.

      Misevhe yadzo i nga ya muhali

      I sia vhana vha si na vhabebi;+

      A dzi vhuyi dzi songo vuledza.