Cossa posso far par no preocuparme tanto?

Preocuparte massa pol far mal al to corpo e ala to mente. In verità, te pol gaver problemi ancora pi grandi de quel problema che te dea preocupassion nel scomìnsio.

Robe che te pol far par no preocuparte tanto

• 

  No stà vardar tanto le brute notìssie. No te ocore saver de pi detali de una roba bruta che la ze drio suceder. Guastar tanto tempo par vardar notìssie negative pol assarte ancora pi desanimà e spaurà.

  Cossa la Bìblia la dise: “El spìrito desanimà el finisse cole forse dela persona.” — Proverbi 17:22.

  “La television e la internet sol le mostra brute notìssie e de spaurarse, e l’è fàcile restar vissià in vardarle. Ma far cossita no l’è mia bon. Quando vardo sol le notìssie che go scoliesto veder, resto manco preocupà.” — John.

  Pensaghe sora: Te ocore sempre saver dele ùltime notìssie?

• 

  Gàpia una rotina. Gàpia una ora par levar su, magnar, tender dela casa e ndar dormir. Gaver una ora giusta par far le robe pol giutarte a gaver una vita normal e con manco preocupassion.

  Cossa la Bìblia la dise: “I progeti de quei che pensa ben vanti i gavarà boni resultadi.” — Proverbi 21:5.

  “Quando ga scominsià la pandemia dela covid-19 mi go assà de banda la me rotina e go scominsià a guastar tanto tempo cola television e cola internet. Dopo go dessidio doperar meio el me tempo, par quela go fato una programassion par tender dei me laori de tuti i giorni.” — Joseph.

  Pensaghe sora: Te ghè una rotina che te assa contento con quel che te ghè fato nel to giorno?

• 

  Conséntrate nele robe bone. Se te resti drio pensar in quel che podaria suceder de bruto, te ndarè preocuparte ancora de pi. Invesse, pensa in due o tre robe che te pol ringrassiar.

  Cossa la Bìblia la dise: “Mostreve grati.” — Colossensi 3:15.

  “Leder la Bìblia me giuta a no gaver pensamenti negativi ma pensar in cose positive. Pol esser che ghemo scoltà questo consìlio tante volte, ma el funsiona!” — Lisa.

  Pensaghe sora: Te pensi quasi sempre nele cose negative che le sucede con ti e te te desmenteghi dele robe positive?

• 

  Pensa nei altri. Quando te sì tanto preocupà, l’è fàcile voler restar ti sol. Ma invesse, pensa in quel che te podarissi far par giutar le persone che le ga de bisogno.

  Cossa la Bìblia la dise: “No sté preocuparve sol con quel che valtri volé, ma anca con quel che i altri i vol.” — Filipensi 2:4.

  “Mi resto felice quando fao qualcossa par i altri. Cossita, giuto i altri a restar contenti e resto con manco pensieri. In verità, no me vansa tempo par preocuparme.” — Maria.

  Pensaghe sora: Te cognossi una persona che la ga bisogno de aiuto? Come che te podarissi giutarla?

• 

  Tendi dela to salute. Fà esersissi e riposa quel che ghe basta. Magna robe che te fà ben. Tender del to corpo pol giutarte a esser pi positivo e mantegner distante le preocupassion.

  Cossa la Bìblia la dise: “Far esersissi l’è bon par qualcossa.” — 1 Timòteo 4:8.

  “Mi e me fiol no podemo far i esersissi che volemo fora de casa. Alora, femo sempre esersissi rento casa. Questo ne giuta a star ben e anca darse ben un col altro.” — Catherine.

  Pensaghe sora: Sarà che te ghè bisogno de magnar meio e far de pi esersissi par gaver una bona salute?

Nantra roba che te pol far l’è imparar sora le promesse dela Bìblia de un futuro meio. Varda el artìcolo “O que o Reino de Deus vai fazer no futuro?”