Persone de tuto el mondo le ze preocupade coi gióveni che i dopera le rede sossiai

Durante el ano de 2025, i governi de tuto el mondo i ga dito che i ze preocupadi con quel che sucede coi gióveni che i dopera le rede sossiai. Un paese el ga fin proibio ai gióveni de manco de 16 ani de doperar le rede sossiai, e anca altri paesi i ze drio pensar de far cossita.

L’è interessante che anca arquanti gióveni i dise che le rede sossiai no le ze tanto bone par lori. Una peschisa fata nei Stati Unidi, che la ze vegnesta fora in april de 2025, la ga mostrà che “quasi metà (48%) dei gióveni de 13 a 17 ani i dise che [le rede sossiai] ghe fà mal”.

Studiosi i ga dito che le rede sossiai le pol rovinar la salute mental dei gióveni. Nel ano passà, el Dr. Vivek Murthy, che l’è stà autorità nassional de salute dei Stati Unidi, el ga dito: “I gióveni i ga sempre pi problemi emossionai, e adesso savemo che le rede sossiai le ze una dele robe che ghe fà de pi mal”.

Come che i genitori i pol proteger i so fioi dei perìcoli dele rede sossiai? La Bìblia la pol giutarli a saver cossa far.

Cossa che i genitori i pol far

Varda questi consili dela Bìblia.

“El sàbio el pensa ben vanti de far qualcossa.” — Proverbi 14:15.

Ghen’è tanti perìcoli nele rede sossiai. Alora, no te ghè de assar to fiol doperarle sol parché lu o altri i vol. Prima de assarlo doperar le rede sossiai, sìpia sicuro che lu no’l ndarà veder robe brute, che el saverà scòlier i amighi e che el va doperarle sol el tempo che te lo ghè assà.

• Par imparar de pi, vedi i artìcoli “Devo deixar meu filho usar redes sociais?” e “Ensine seu filho adolescente a usar as redes sociais com segurança”.

‘Dopera el tempo dela meio maniera.’ — Efesi 5:16.

Se te dessidi che el to fiol el pol doperar rede sossiai, daghe règole de come doperarle. Spiegaghe parché che le ze bone par lu queste règole. Stà atento a qualche cambiamento che el pol gaver nel so comportamento. Far queste robe te giutarà a saver quanto tempo el pol restar nele rede sossiai.

Dopera el vìdeo “Stà atento: dopera ben le rede sossiai” par giutar el to fiol a capir parché che l’è bon gaver limiti quando se dopera le rede sossiai.

Varda altri consili che la Bìblia la ga par i genitori nel artìcolo “Autoridade na área da saúde alerta sobre os efeitos das redes sociais nos jovens — O que a Bíblia diz?”

Par imparar de pi

La Bìblia la dise che vivemo in “tempi crìtichi, difìcili de soportar”. (2 Timòteo 3:1-5) Ma ela anca la ga boni consili che ne giuta a darghene fora cole dificoltà. Nel artìcolo “Saúde mental dos adolescentes piora muito — O que a Bíblia diz?”, ghen’è de pi de 20 artìcoli par i genitori e par i fioi sora la salute dei gióveni.