Parché che le persone le more?

La risposta dela Bìblia

Quando more qualchedun che amemo, l’è normal domandarse parché che le persone le more. La Bìblia la dise che le persone le more par causa del pecato. — 1 Corinti 15:56.

De ndove el pecato e la morte i ze vegnesti?

El primo omo e la prima dona, Adon e Eva, i ze morti parché i ga pecà contra Dio. (Génesi 3:17-19) Quando i ga dessidio rebelarse contra Dio, l’era sicuro che lori i ndaria morir, parché lu l’è “la fonte dela vita”. — Salmo 36:9; Génesi 2:17.

Adon el ga passà el pecato a tuti i so dissendenti. La Bìblia la dise: “Par meso de un sol omo el pecato l’è vegnesto al mondo, e la morte par meso del pecato, cossita la morte la se ga spalià a tuti, parché tuti i gavea pecà.” (Romani 5:12) Tute le persone le more parché tute le peca. — Romani 3:23.

Come che la morte la sarà finida fora?

Dio el promete che “el finirà cola morte par sempre”. (Isaia 25:8) Par finirla fora, Dio el ga de finir fora cola causa dela morte, che la ze el pecato. Lu el ndarà farlo par meso del so Fiol, Gesù Cristo, che “el cava via el pecato del mondo”. — Gioani 1:29; 1 Gioani 1:7.