Asinna, weera mukhale mutthu ooxuttiha nnene, ikwaha sootheene munvariheleke muteko Biblya emaara munxuttihaanyu ni munvahaanyu miruku. Mukhaleke namasoma ooreera a Biblya ni a irevista sahu. (Mir. 15:28) Emaara munsomaanyu, nwehexexeke nnene sene wakhala weera munnaxuttiha ni munnavarihela muteko iversu sa mBiblyani wa mukhalelo wooreera. Ni emaara munxuttihaanyu, mpakeke ele munweraanyu weera nvareke mirima sa atthu ale enwiiwelelani. Mene-tho nyuwo pooti oreherera moota munxuttihaanyu nvekaka ni nvarihelaka muteko miruku sa asitokweene akina a mmulokoni ookhumela nnene. (1 Tim. 5:17) Asitokweene a mmulokoni entthuneya oweraka ‘waalipiha’ asinna ni asirokora; mene-tho awo, entthuneya ikwaha ikina ovahaka miruku naari ‘ottaruxa’. Mwa etthu eri poothe, awo ikwaha sootheene entthuneya okhala a nsivelo. Wakhala weera nyuwo munookhala ooreera murima ni a nsivelo ni ikwaha sootheene ovarihela masu a Muluku emaara munxuttihaanyu, nyuwo munookhala mutthu ooxuttiha nnene mwaha wooweera munrowa omutakihaka Yesu, yoowo ori muxuttihaahu mutokweene. — Math. 11:28-30; 2 Tim. 2:24. w24.11 epaax. 24 eparag. 16

Hiyo pooti onvuwiha Yehova moorweela mwa itthu nnuulumaahu woohima sa owo. Atthu a Yehova ennawompwa ‘omwiipela Yehova,’ ‘ovuwiha nsina nawe,’ ‘olaleya ovuluxa wawe,’ ni ‘olaleya ovuwa wawe variyari va maloko aatthu.’ (Nsal. 96:1-3) Mwa mikhalelo sootheene iya, ninnoonihera weera ninnanvuwiha Tiithi ahu a wiirimu. (Mit. 4:29) Hiyo pooti onvuwiha Yehova ni itthu sahu. Ale emmukokhorela Yehova ikwaha sootheene ennanvuwiha mwa mukhalelo ene yoola. (Mir. 3:9) Mwa ntakihero, ana a Israeli yaaveleela soovaha weera epakiwe ni orehereriwa etemplu. (2 Mam. 12:4, 5; 1 Sow. 29:3-9) Atthareli a Yesu yaamukhavihera owo vamoha ni arummwa awe “evarelaka muteko itthu saya.” (Luka 8:1-3) Nave-tho akristu a eseekulu yoopatxera, yaavaha sooveleela saya weera ekhaviheriwe asinna ni asirokora oomunepani. (Mit. 11:27-29) Olelo, hiyo pooti onvuwiha Yehova moorweela mwa sooveleela sahu soohikhanyereriwa. w25.01 epaax. 4 eparag. 8; epaax. 5 eparag. 11

Etthu heeni yaamukhavihenre Korneliu weera apatisiwe? Biblya onhima weera owo ‘annamoova Muluku vamoha ni vaate vawe vootheene.’ Ni Korneliu annanvekela Yehova vohihiyerera. (Mit. 10:2) Vaavo Pedru aamulalenraawe mitthenka sooreera Korneliu, owo ni emusi awe yaamuroromela Kristu ni yaapatisiwa. (Mit. 10:47, 48) Moohihovela, Korneliu aari oolikaneene opaka matxentxo yaatthuneya weera amukokhoreleke Yehova vamoha ni emusi awe. (Yeh. 24:15; Mit. 10:24, 33) Korneliu pooti weeraka aamwaakhulela weera muritti aaraaweno omootxeelihe okhala mukristu. Mene owo khahiñye eyo yeereyaka. Neereke waakhulela ekhaikhai onooweerihani nyuwo opaka matxentxo mweekumini mwanyu? Wakhala weera ti hiiho, Yehova onoorowa wookhaviherani. Owo onoorowa oreeliha wiilipihera wanyu weera munvareleke moovarihana ni miruku sa mBiblyani. w25.03 epaax. 5 eparag. 12-13