YOOSOMA 15

Yesu taani?

Itthu Simpirimiriwe

Yesu mutthu osuweliwe ovinyera ihuhu sa khalai. Nnaamweera vareene hiiho, mene atthu antxipale khesuwenle nnene voohima sa yoowo nave-tho, atthu akina aakhalano nyoonelo soovirikana voohima sa ekhaikhai ya Yesu. Ankha Biblya onhima heeni voohima sa Yesu?

1. Yesu taani?

Yesu nlaika na ikuru ninkhala wiirimu. Yehova ahinaakuveene opattuxa itthu ikina owo ampatxenre ompattuxa Yesu. Tiyeeyonto owo oneeriwaawe “Mwana òpatxera a sopattuxiwa sothene.” (Akolosi 1:15) Biblya onnahima tho weera Yesu ‘Mwana mmosaru’ a Muluku. Eyo entaphulela weera Yesu meekhaawe topakinwe ni mwanene Yehova. (Yohani 3:16) Yesu aanivara vamoha ni Atithawe Yehova ni aahaakhaviheraka Atithawe opattuxa itthu ikina. (Musome Miruku 8:30.) Nsivelo aakhalannaawe Yehova ni Yesu ti noolipa. Yesu namarumeya ororomeleya a Muluku, naari neere ha, owo onnathaliha mutthenka ni miruku sa Yehova. Nto tiyeeyo, Biblya ommwitthanaawe Yesu “Nsu”.—Yohani 1:14.

2. Mwaha wa heeni Yesu awiiyaawe elapo ya vathi?

Iyaakha 2.000 sa muttuli, Yehova aapaka mwiiriira: Avarelaka muteko munepaawe wootteela, owo aathaamiha okumi wa mwanawe ahelaka mmirimani wa mwali eeriwa Maria. Mwaha wa mwiiriira ole, Yesu aayariwa ntoko mutthu onayariwaawe. (Mmusome Luka 1:34, 35.) Yehova aamurumiha Yesu elapo ya vathi weera akhale Mesiya naari Kristu aalaiheriwe, weera aavuluxe atthu.a Yesu aakwanihera soolaiheriwa sootheene voohima sa Mesiya. Eyo yaahakhavihera atthu osuwela weera Yesu aari “Kristu, Mwana a Muluku mukumi.”—Matheyo 16:16.

3. Yesu ori woowiini viinaano?

Yesu akhwaakaru owo avinyererihiwa ni aawela wiirimu ntoko nlaika. Wu “Muluku tho òmùnnuwiha ni ònvaha nsina nopwaha nsina nri nothene.” (Afilipi 2:9) Vaano Yesu nlaika na ikuru. Mene nto, Yehova tori aikuru ompwaha Yesu.

WEERA MUXUTTERE SINTXIPALE

Moonelele weera Yesu taani ni mwaha wa heeni ontthuneyaaya oxuttera voohima sa yoowo.

Yesu ni Yohane mBatiza yeemenleene mmahini yiwelelaka masu yaakhuma wirimu mowakuveya noomala obatiziwa Yesu.

4. Yesu khaiyono Muluku nanwera sootheene

Biblya onxuttiha weera Yesu nlaika naikuru nri wiirimu. Nnaamweera vaareene hiiho, owo onnamwiiwelela Yehova Muluku Tiithaawe. Ninsuwela hayi eyo? Moone EVIIDIYU weera moone mBiblyani moota Yesu ovirikannaawe ni Muluku oowera sootheene.

EVIIDIYU: Yesu ti Muluku? (3:22)

Soolepa sinttharelana sinoonikhavihera wiiwexexa weera Yehova ni Yesu atthu oovirikana. Musomeke soolepa sootheene avinyaka mutthekule ni ipontu sinttharelana.

Mmusome Luka 1:30-32.

Moota heeni masu, a nlaika, anooniheraaya weera Yesu ni Yehova “Namusulú” khaiyono mutthu mmoharu?

Mmusome Matheyo 3:16, 17.

Emaara Yesu aBatiziwaawe nsu naakhuma wiirimu naahima eheeni?
Munuupuwela weera naari nsu nawani?

Mmusome Yohani 14:28.

Vatthokoni taani ori mutokweene ni orino olamula? Tiithi naari mwana?
Yesu aathaliha weera Yehova Tiithi awe. Eyo enkixuttiha eheeni?

Mmusome Yohani 12:49.

Munuupuwela weera Yesu anniisoona weera owo onoolikana ni aTithawe? Nyuwo munuupuwela weera awo anoolikana?

5. Ithoonyero sinnoonihera weera Yesu ari Mesiya

Biblya ookhalano soolohera seiyo saakhavihenre atthu osuwela weera taani ari Mesiya—naari neere ha, oothanliwa ni Muluku eera aavuluxe atthu. Moone EVIIDIYU weera moone soolohera ikina seiyo Yesu okwanihenraawe emaara aaraawe valaponi.

EVIIDIYU: Soolohera voohima sa Yesu sookwanela (3:03)

Musome soolohera avinyaka mutthekule ni ipontu sinttharelana:

Mmusome Mikeya 5:1 [5:2, Tradução do Novo Mundo] weera moone woowiini aakelaawewo oyariwa Mesiya.b

Yoolohera ela yookwanela?—Matheyo 2:1. 2:1.

Biblya aathaliha varaatxiru moota eeraawe akhwe Mesiya. Musome Nsalmu 34:21 [34:20, NM] ni Zakariya 12:10 weera moone soolohera iyo.

Soolohera iya sookwanela?—Yohani 19:33-37.
Atthu akina anhima weera Yesu aapankelela weera soolohera iyo sikwanele. Munuupuwela weera eyo ennaphwanelela?
Eyo enawooniherani heeni voohima sa Yesu?

6. Oxuttera voohima sa Yesu tiwootepa ontthuneya wa hiyo

Biblya onnahima weera tiwootepa otthuneya oxuttera voohima sa Yesu ni ele Muluku ontthunaawe weera owo apake. Mmusome Yohani 14:6 ni 17:3, ni avinyaka mutthekule ni ipontu sinttharelana:

Oxuttera voohima sa Yesu mwaha wa heeni oraaya wootepa ontthuneya wa hiyo?

Yesu axuttihaka egrupo ya atthu asilopwana, asithiyana ni anamwene. — Yesu oohula *ephiro* weera nikhale nthamwene a Muluku. Owo aaxuttiha *ikhaikhai* voohima sa Yehova ni, moorweela mwa Yesu nnoowera okhalano *ekumi* yoohimala.

ATTHU AKINA ANEERA: “Anamoona a Yehova khayaanono nroromelo wa Yesu.”

Nyuwo munoonela hayi eyo?

NYAHA SOOTTHUNEYA

Yesu nlaika noowera. Owo Mesiya ni mwana a Muluku.

Wuuluula

Mwaha wa heeni Yesu oneeriwaawe “Mwana òpatxera a sopattuxiwa sothene”?
Yesu aapaka heeni ahinaakuveene owa elapo ya vathi?
Ninsuwela hayi weera Yesu Mesiya?

Yoosoma ela kimalinhe nihuku na:

Mpika

Moone eviidiyu ‘Tthiri Muluku Oomukhaliha Pwiya ni Moopoli’—Mpantta I naari mmusome Luka, kapiitulu 2 ni 3, weera muxuttere sintxipale voohima sa ekumi ya Yesu areene elapo ya vathi.

Ekina:

Your other goal

WEERA MUSUWELE ITTHU SINTXIPALE

Moone tho ithonyero ikina sinnoonihera weera Yesu ari Mesiya.

“Neereke iprofesiya sa mBiblyani sinnoonihera weera Yesu ari Mesiya” (Mwaha va jw.org)

Neereke Muluku omuyanre Yesu ntoko atthu anaayaraaya anamwane aya? Biblya onhima heeni sa mwaheene yoowo?

“Mwaha wa heeni Yesu oneeriwaawe mwana a Muluku?” (Mwaha va jw.org)

Moone mwaha wa heeni yooxuttiha yooweera amuluku araru eraaya yoowootha ehikhanle mBiblyani.

“Neereke Yesu Muluku?” (A Sentinela, 1.º a Abril a 2009)

Moone moota okumi wa muthiya waatxentxeyaaya amalakaru waasa ele Biblya onthalihaawe voohima sa Yesu.

“Etthu yamwerihe muthiyana muyudeya otxentxa nroromelo nawe” (Despertai!, a Maio a 2013)

a Enoota: Yoosoma 26 ni 27, nnoorowa woona mwaha wa heeni atthu aninlelaaya weera yavuluxiwe ni moota Yesu onivulunxaawe.

b Enoota: Weera moone yoolohera enahima nnene sene emaara heeni Yesu eeraawe arwe elapo ya vathi, Nwehe va Nyaha sootthuneya 2.