25 Moise aahaathanla alopwana yaawerya ophuka myaha, eriyari ya aisarayeli ootheene, wiira yaahooleleke atthu. Owo aahaakhaliha makhulupale a atthu 1.000, makhulupale a atthu 100, makhulupale a atthu 50, ni makhulupale a atthu 10. 26 Awo yaaniphuka myaha sa atthu okathi saakhumelela aya. Myaha sooxankiha yaanimuroihela Moise,+ masi myaha saamukhaani, yaaniphuka mmansaya.

18 “Ipooma sootheene Yehova Muluku anyu onoovahaaweni, mwaathanle alipa-oophuka milattu+ ni makhulupale para khula nihimo. Awo ahaana ophuka milattu sa atthu attharaka exariya.

8 “Akhala wiira mpooma mwanyu onnikhumelela mwaha wooxankiha vanceene, nto nyuwo muhinawerya ophuka mwaha owo, eyo piiyo, akhala wiira mutthu oomwiiva mukhwaawe+ wala wookhala mwaha onipirisari ophukiwa aahiiso ookhala mutthu opanke etthu yootakhala wala aakhulanne ni mukhwaawe, muhaana orowa nipuro Yehova Muluku anyu onrowa awe othanla.+