6 Yonathani aahimuhimeerya murumeyi awe aamukhaliherya oteexa nikula na wiixaakihana* wiira: “Nrowe nilapuwele opuro woorakamela osulu, ari aya alopwana ale oohinnuwihiwa.+ Woonasa wene Yehova onoonikhaliherya, maana khiivo etthu enimukhoottiherya Yehova woopola, hata aarumeelaka atthu anceene, wala atthu vakhaani”.+

23 Davidi aahimukoha Yehova, masi Muluku aahihimya wiira: “Muhaatuphele ohoolo. Ohiya-vo mutthikele ottuli, nuumala-vo mwaatupheleke ohoolo wa mwiri oniihaniwa balsameiro. 24 Okathi munrowa anyu wiiwa onyakula onlikana ni mukhitto wa atthu orumaka vasulu va mwiri oniihaniwa balsameiro mwaatupheleke, okhala wiira Yehova onrowa okhala ohoolo wanyu wiira aapwetexe anakhotto a afilisti”.

15 Okathi murumeyi a mulopwana a Muluku eekeekhai aavenyale awe, okhumela ota, aahiwoona anakhotto ni ikhavalo, ni ikaaro sa ekhotto, arukurenrye ene epooma. Siiso murumeyi owo aahimuhimeerya Eliseyo wiira: “Nootakhaliwa, pwiya aka! Ninrowa opaka exeeni?” 16 Masi Eliseyo aahimwaakhula oriki: “Muhoove!+ Okhala wiira ale ari ni hiyo khareere waatta waavikana ale arina aya”.+