• 2 Samuweli 1:21
    Biibiliya a Elapo Esya a Soolempwa Soowaarya

    • 21 Nyuwo miyaako sa oXilibowa,+

      Muhiimeke okame, nnakhala muhirupeliwe epula,

      Hata imatta sihiimeke mihokorokho sinivahiwa Muluku,+

      Okhala wiira ti vaavo nikula na wiixaakihana na alipa a ikuru yahaattittimihiwe aya,

      Nave nikula na wiixaakihana na Sawuli khanttikittheliwe-tho makhura.

  • 1 Wahala 10:1-5
    Biibiliya a Elapo Esya a Soolempwa Soowaarya

    • 10 Vano afilisti yaahiwana ni atthu a Isarayeli. Nto atthu a Isarayeli yaahaatthyawa afilisti, nave atthu anceene yaahikhwa omwaako Xilibowa.+ 2 Afilisti yaahimutthimakela Sawuli ni anaawe. Afilisti awo yahimwiiva Yonathani, Abinadabi ni Malikixuwa,+ anamwane a Sawuli. 3 Ekhotto yaahinviherya vanceene Sawuli. Ale yaavonya mattheere* yaahimulukama, nto owo aahivulalihiwa.+ 4 Moottharelana, Sawuli aahimuhimeerya mulipa-aamukhaliherya oteexa nikula nawe na wiixaakihana, wiira: “Mukumihe espaata* anyu,+ mukiive wiira atthu ale oohinnuwihiwa ahikiirihe etthu yootakhala”. Masi mulipa-aamukhaliherya oteexa nikula na wiixaakihana khaaphavenle, okhala wiira anoova vanceene. Vano Sawuli aahikuxa espaata iimorihela vasulu vaya.+ 5 Okathi mulipa-aamukhaliherya oteexa nikula na wiixaakihana oonale awe wiira Sawuli aahikhwa, owo nave aahitholola espaata awe iimorihela vasulu vaya, okhwa.