14 Moottharelana, Yehu+ mwaana a Yosafati, mwaana a Nimixi, aahimurukunuwela Yorami.

Vano Yorami ni anakhotto a wIsarayeli yaahanle oRamothi-Xileyaadi+ yaakiheryaka wIsarayeli wiira ohitupheliwe ni Hazayeli,+ mwene a oSiiria.

24 Yehu aahikuxa muura awe, onvonyerya nttheere* Yorami omuhoma ottuli, mpakha nreetthe nlo ophova vamurimani. Vano Yorami aahimorela mukaaroni mwawe ya ekhotto.

6 Yehu aahaalepela ekarta ya nenli, yeeyo yaahimya wiira: “Vakhala wiira muri mpantta aka, ni munniphavela okiiwelela, murwe mukumane ni miyo meelo ewoora yeela, oYezireyeli, nave mwaarwaaka muruuhe miru sa anamwane a pwiya anyu”.

Anamwane 70 a mwene, yaahuuwa ni alopwana oottittimiheya a opooma. 7 Nuumala waakhela ekarta, awo yaahaakuxa anamwane 70 a mwene,+ awiiva, miru saya ahela muttankani,* amuroihela Yehu, oYezireyeli.

23 Yehu ni Yonadabi,+ mwaana a Rekabi, yaahikela mpaani mwa Bayaali. Yehu aahaaleela atthu yaamukokhorela Bayaali wiira: “Mutokose oratteene wiira moone vakhala wiira opuro ola kakhanle atthu animukokhorela Yehova, moone vakhala wiira atthu ootheene ari opuro ola, animukokhorela Bayaali paahi”.

25 Omalaka-ru ovaha yoovaha para opahiwa, Yehu aahaaleela makwarta ni arumeyi awe wiira: “Nvolowe, nwiivakase! Muhimuhiye nnakhala mutthu mmosa otthyawaka!”+ Makwarta ale ni arumeyi awe yaahiwiivakasa ni espaata, ni yaahaarihela ota, nave yaahipaka eyo mpakha muhina wa opuro woowaarya,* empa ya Bayaali.