8 Vano mwamuleele murumeyi aka Davidi wiira: ‘Etthu onihimya awe Yehova a anakhotto, tiila: “Miyo kihookumihani opuro mwaari anyu makampusi, weiwo mwaakhapelela anyu ipwittipwitthi+ wiira mukhale muhooleli a atthu aka aisarayeli.+

18 Mwene Davidi aahikilaathi ohoolo wa Yehova onamukoha oriki: “Khoo Pwiya Muulupalexa Yehova, miyo ka pani? Nave amusi* aka pani, wiira mukivuwihe siisa?+ 19 Pwiya Muulupalexa Yehova, nyuwo mwaahoona wiira itthu iya nlelo saari vakhaani, nave munnihimya wiira etthoko ya murumeyi anyu enrowa okhalaka mahiku manceene ohoolo. Pwiya Muulupalexa Yehova, nla nlamulo na apinaatamu ootheene. 20 Pwiya Muulupalexa Yehova, exeeni miyo murumeyi anyu Davidi kikhanle aka oowoohimeeryani? Nyuwo munnikisuwela saana.+