3 Anamwane Davidi aayanre awe oHebroni+ yaari ala: Mwaana oopacerya aihaniwa Aminoni,+ maama awe aihaniwa Ahinowami+ a oYezireyeli; a nenli aihaniwa Daniyeli, maama awe aihaniwa Abigayili+ a oKarmelo; 2 a neeraru aihaniwa Absalomi,+ aayareliwe awe ni Maaka, mwaana mwaamuthiyana a Talimayi, mwene a oXesuri; mwaana a neexexe, aihaniwa Adoniya+ aayareliwe awe ni Hagithi; 3 a neethanu aihaniwa Xefatiya, maama awe aihaniwa Abitali; ni a neethanu namosa aihaniwa Itireyami, maama awe aihaniwa Egla, mwaarawe Davidi. 4 Anamwane ala 6 a Davidi aayanre oHebroni; owo aahilamulela oHebroni iyaakha 7 ni miyeeri 6, nave oYerusalemu aahilamulela iyaakha 33.+

5 Anamwane aayareliwe awe Davidi oYerusalemu+ yaari ala: Ximeya, Xobabi, Natani+ ni Salomooni;+ anamwane ala axexe, maama aya aihaniwa Bati-Xeba,+ mwaana mwaamuthiyana a Amiyeli. 6 Anamwane akina 9 yaari ala: Ibihari, Elixama, Elifeleti, 7 Nogahi, Nefegi, Yafiya, 8 Elixama, Eliyada ni Elifeleti. 9 Ootheene ala yaari anamwane a Davidi, waahiya anamwane aayareliwe awe ni axaarawe akina,* nave murokoraya aari Tamari.+