37 Niinaano-ru, yaahikhumelela epheyo yuulupale mphareya. Nave mawimpi yaanimana ekalawa, nto eyo enahala vakhaani osama.+ 38 Masi Yesu aari mukalawani mpantta wa ottuli, orupaka valmofaatani.* Nto awiixutti yaahinvenxa, ahimyaka wiira: “Mwiixuttihi, khamunoona wiira nihanle okhwa?” 39 Vano, Yesu aahivenya, aahipwapwela epheyo, khwiirela ephareya wiira: “Mmaale! Mwiikhalele!”+ Epheyo yaahiikhalela ni waahikhumelela omaaleleya wuulupale. 40 Siiso, Yesu aahaakoha oriki: “Munoovela-ni? Niireke nlelo khamurina waamini?” 41 Awo yaahitepa woova, anakohana wiira: “Mulopwana ola ti pani? Hata epheyo ni ephareya sinnimwiiwelela”.+

23 Masi okathi ekalawa yeetta aya, Yesu aahirupa. Vano, yaahikhumelela epheyo yuulupale vantthiyani, nto ekalawa aya yaahipacerya osareya maasi, enahala vakhaani osama.+ 24 Awo yaahirowa onvenxa Yesu, ariki: “Mwiixuttihi, Mwiixuttihi, nihanle okhwa!” Vano, Yesu aahivenya, aahipwapwela epheyo ni mawimpi. Nto, epheyo yaahimaala ni waahikhumelela omaaleleya.+ 25 Nuumala-vo, Yesu aahaahimeerya wiira: “Waamini wanyu ori vai?” Masi awiixutti yaahoova ni yaahitikinihiwa vanceene, anakohana, yiiraka: “Mulopwana ola ti pani? Owo onniruma hata epheyo ni maasi, nto iyo sinnimwiiwelela”.+