6 Yehova aahimuleela Moise wiira: “Vano munimoona etthu kinrowa aka omwiiriha Farawo.+ Ni ntata naka noowerya, miyo kinoomwiiriha Farawo waahiya atthu aka arowaka. Khahiyo onrowa waahiya arowaka paahi, masi onrowa owoomola”.+

6 “Tivonto, mwaaleele aisarayeli wiira: ‘Miyo ka Yehova. Kinimootaphulani miteko soolipa munivarihiwa anyu ni atthu a wExiitu, ni anookhalihaayani ipottha.+ Miyo kinimookola moono aka kaahukhumu,+ ni kiwoopoleni.

6 Nyuwo mwa atthu ooreerihiwa para Yehova Muluku anyu. Nave Yehova Muluku anyu ohoothanlani wiira mukhale atthu awe, eyo piiyo, atthu aathanlale awe* eriyari ya atthu ootheene anikhala mulaponi.+

8 Masi ohoothanlani mwaha woowi Yehova onnoophentani ni onimutthukula natiri aamanenle awe amuhavinre anyu.+ Tivonto, Yehova ohookumihani opuro ole ni ntata noowerya, wiira owoopoleni elapo mwaari anyu ipottha,+ ni owoopoleni mmatatani mwa Farawo, mwene a wExiitu.