Watchtower EBIBLIOTEKA ONLAINE

Yesaya 53:11

Biibiliya a Elapo Esya a Soolempwa Soowaarya
- 11 Mwaha wa mixankiho sawe, owo onoohakalala ni etthu onrowa awe oweha.
  
  Mwaha wa osuwela wa naxariya, eyo piiyo, murumeyi aka,+
  Onoowiiriha atthu anceene okhala anaxariya,+
  Nave onookuxa itampi saya.+

Yeremiya 31:34

Biibiliya a Elapo Esya a Soolempwa Soowaarya
- 34 “Khula mutthu khontthikela omwiixuttiha namwaattamanani awe, nave khula mutthu khontthikela omwiixuttiha munnawe oriki: ‘Mmusuwele Yehova!’,+ okhala wiira ootheene aya anookisuwela, okhuma acikhaani mpakha aalupale.+ Kinimwaalevelela soottheka saya, nave nkinrowa-tho wuupuwela itampi saya”.+ Yehova tonihimya.

Daniyeli 9:24

Biibiliya a Elapo Esya a Soolempwa Soowaarya
- 24 Sinoovira isumana 70, seiyo sithanleliwe atthu anyu ni epooma anyu yoowaarya,+ wiira omale otthekeliwa nlamulo na Muluku, emale etampi,+ sileveleliwe itampi,+ ekumiheriwe exariya ehinimala,+ elipiheriwe etthu moonale anyu ni eprofesia*+ ni ovahereriwa Muluku Nipuro Noowaaryexa.